കമ്മട്ടിപ്പാടം
എഴുപതുകളിൽ തുടങ്ങി 2015-ലേക്കെത്തുന്ന,വ്യത്യസ്ത കാലഘട്ടങ്ങളിൽ വികസിക്കുന്ന കഥ. കൊച്ചിയിലെ കമ്മട്ടിപ്പാടം എന്ന വിശാലമായ വയൽപ്രദേശവും അവിടുത്ത ആളുകളും നാഗരികതയുടെ ഭാഗമാവുന്നതും ഒരു മൃതദേഹം ചുമന്ന് കൊണ്ട് പോവാൻ പോലുമാവാത്ത വിധം ചുരുങ്ങുന്ന വഴികളുള്ള പുത്തൻ നഗരത്തിന്റെ വികസനവുമാണ് സിനിമയുടെ പ്രതിപാദ്യവിഷയം. കമ്മട്ടിപ്പാടത്തും കൊച്ചിയുടെ പരിസരങ്ങളിലെയും ചതുപ്പിൽ താഴ്ത്തപ്പെട്ട, പാവപ്പെട്ടവന്റെ ചോര വീണ സ്ഥലങ്ങളിലാണ് എറണാകുളം എന്ന നഗരവും കെട്ടിടങ്ങളും പടുത്തുയർത്തിയിരിക്കുന്നതെന്ന വിഷയം പല കാലഘട്ടങ്ങളിലൂടെയും പാവപ്പെട്ടവന്റെയും, അധോലോക,റിയൽ എസ്റ്റേറ്റ് മാഫിയാ രാജാക്കന്മാരുടെയും ഒക്കെ കഥകളിലായി അതിഭാവുകത്വമില്ലാതെ പറയുന്നു.
അന്നയും റസൂലും, ഞാന് സ്റ്റീവ് ലോപ്പസ് എന്നീ ചിത്രങ്ങള്ക്ക് ശേഷം രാജീവ് രവി സംവിധാനം ചെയ്ത് ദുൽഖർ സൽമാന് നായകനാകുന്നചിത്രമാണ് കമ്മട്ടിപ്പാടം. വിനായകന്, പി ബാലചന്ദ്രൻ, മണികണ്ഠൻ, വിനയ് ഫോര്ട്ട്, ഷൈന് ടോം ചാക്കോ, തുടങ്ങിയവർ അഭിനയിക്കുന്നു. ഷോൺ റോമിയാണ് നായിക. മധു നീലകണ്ഠന് ഛായാഗ്രഹണവും ബി അജിത് കുമാര് ചിത്രത്തിന്റെ എഡിറ്റിങ്ങും നിര്വ്വഹിച്ചിരിക്കുന്നു. ഗ്ലോബല് യുണൈറ്റഡ് മീഡിയയുടെ ബാനറില് പ്രേംകുമാറാണ് ചിത്രം നിര്മ്മിച്ചിരിക്കുന്നത്.
Actors & Characters
| Actors | Character |
|---|---|
കൃഷ്ണൻ | |
അനിത | |
വേണു | |
ഗംഗ | |
ജോണി | |
മത്തായി | |
കൃഷ്ണന്റെ അച്ഛൻ മാധവൻ | |
സുരേന്ദ്രൻ | |
പോലീസ് ഓഫീസർ മാർട്ടിൻ | |
കൃഷ്ണന്റെ അമ്മ നളിനി | |
കൃഷ്ണന്റെ ചേച്ചി സാവിത്രി | |
സുമേഷ് | |
റോസമ്മ | |
ബാലൻ | |
പോർക്കിൻ കൂട് ബിജു | |
ചാർലി | |
അനിതയുടെ ആന്റി | |
മജീദ് | |
ജമീല | |
കേഡി ജോസ് | |
അനിതയുടെ അമ്മാവൻ | |
കൃഷ്ണന്റെ സുഹൃത്ത് ജൂഹി | |
അബു | |
കുള്ളൻ ജോൺ | |
ബാലന്റേയും ഗംഗയുടേയും അച്ഛന് കുമാരൻ | |
കൃഷ്ണന്റെ കൗമാരം | |
ഗംഗയുടെ കൗമാരം | |
അനിതയുടെ കൗമാരം | |
ബാലന്റെ കൗമാരം | |
മജീദിന്റെ കൗമാരം | |
കൊച്ചൂട്ടി ഗംഗയുടെയും ബാലന്റേയും മുത്തച്ഛൻ | |
കൃഷ്ണന്റെ കുട്ടിക്കാലം | |
ഗംഗയുടെ കുട്ടിക്കാലം | |
അനിതയുടെ കുട്ടിക്കാലം | |
ഗംഗയുടെയും ബാലന്റേയും അമ്മ | |
അനിതയുടെ അമ്മ | |
കള്ളുകുടിയൻ | |
സണ്ണി- ജോണിയുടെ അനിയൻ | |
ആന്റോ | |
തൊള ബെന്നി | |
ആന്റോയുടെ ചെറുപ്പം | |
തേവര കോളനി നേതാവ് പ്രദീപ് | |
അനിതയെ കല്യാണം ആലോചിക്കുന്നയാൾ | |
സാവിത്രിയുടെ ഭർത്താവ് രാഘവൻ | |
രാഘവന്റെ ചെറുപ്പം | |
വൈദ്യർ | |
കാര്യസ്ഥൻ കുറുപ്പ് | |
റോസമ്മയുടെ സഹായി മണി | |
ജൂഹിയുടെ ഭർത്താവ് മാറൂഫ് | |
അനിതയുടെ അച്ഛൻ |
Main Crew
Awards, Recognition, Reference, Resources
| നേടിയ വ്യക്തി | അവാർഡ് | അവാർഡ് വിഭാഗം | വർഷം |
|---|---|---|---|
വിനായകൻ | സംസ്ഥാന ചലച്ചിത്ര അവാർഡ് | മികച്ച നടൻ | 2 016 |
മണികണ്ഠൻ ആർ ആചാരി | സംസ്ഥാന ചലച്ചിത്ര അവാർഡ് | മികച്ച സ്വഭാവനടൻ | 2 016 |
എ വി ഗോകുൽദാസ് | സംസ്ഥാന ചലച്ചിത്ര അവാർഡ് | മികച്ച കലാസംവിധാനം | 2 016 |
നാഗരാജ് | സംസ്ഥാന ചലച്ചിത്ര അവാർഡ് | മികച്ച കലാസംവിധാനം | 2 016 |
ബി അജിത് കുമാർ | സംസ്ഥാന ചലച്ചിത്ര അവാർഡ് | മികച്ച ചിത്രസംയോജനം (എഡിറ്റിംഗ് ) | 2 016 |
കഥ സംഗ്രഹം
- സുജിത് ശങ്കർ, അഞ്ജു മോഹൻ ദാസ്, ഷൈസ് , വിജയകുമാർ പ്രഭാകരൻ , ചിദംബരം എന്നിവർ ചേർന്നാണ് കമ്മട്ടിപ്പാടത്തിന്റെ വളരെ ശ്രദ്ധയാകർഷിച്ച കാസ്റ്റിംഗ് നിർവ്വഹിച്ചത്.
- കൊച്ചിയിലേയും തിരുവനന്തപുരത്തേയും ഏകദേശം പതിനേഴോളം സ്കൂളുകളിലെ പ്രതിഭകളെ തിരഞ്ഞതിൽ നിന്നാണ് കമ്മട്ടിപ്പാടത്തിന്റെ ഇളം തലമുറക്കാരെ കാസ്റ്റ് ചെയ്തത്.
- ചിത്രത്തിന്റെ ഡിവിഡി റിലീസ് വലിയ വിജയമാണുണ്ടാക്കിയത്. ഒന്നൊഴിയാതെ എല്ലാ കോപ്പികളും വിറ്റു പോയി എന്ന് വാർത്തകൾ ലഭ്യമായി.
- ചിത്രത്തിന്റെ നാലു മണിക്കൂർ ദൈർഘ്യമുള്ള ബ്ലൂറേ പതിപ്പ് പുറത്തിറക്കുന്നു എന്ന വാർത്ത സംവിധായകൻ രാജീവ് രവി പുറത്തു വിട്ടു.
- ടീസർ എഡിറ്റ് ചെയ്തിരിക്കുന്നത് തെറി, വേതാളം തുടങ്ങിയ ബിഗ് ബഡ്ജറ്റ് സിനിമയുടെ എഡിറ്ററായ ആന്റണി റൂബൻ ആണ്.
- ചിത്രത്തിലെ കൈരളി കിട്ടും കൈരളി എന്ന പ്രയോഗം - 70തുകളെ അവസാനം അടയാളപ്പെടുത്താൻ ഉപയോഗിച്ച സൂചനയായി കണക്കാക്കുന്നു. 1979ല് മട്ഗാവില് നിന്നും ജര്മ്മനിക്ക് പോകുമ്പോള് എം വി കൈരളി എന്ന കേരള ഷിപ്പിംഗ് കോർപ്പറേഷൻ കപ്പല് കാണാതെ പോയ സംഭവമാണ് ഇവിടത്തെ റഫറന്സ്. കടപ്പാട് :- Nirmal Joy
- ചിത്രത്തിൽ വിക്രം അടിക്കാം എന്ന രംഗത്ത് ഗംഗയും കൃഷ്ണനും നടത്തുന്ന ബ്രേക് ഡാൻസ്, കമലഹാസന്റെ വിക്രം വിക്രം എന്ന ഗാനത്തിൽ നിന്നാണ്.
- ഗംഗക്ക് അടികിട്ടുന്ന സമയത്ത് മത്തായിച്ചന്റെ ഫോണിൽ മുഴങ്ങിക്കേൾക്കുന്ന പാട്ട്, 1983ൽ യേശുദാസിന്റെ തരംഗിണി കാസറ്റ്സ് "സ്നേഹപ്രവാഹം" എന്ന പേരിൽ പുറത്തിറക്കി യേശുദാസും സംഘവും ആലപിച്ച നായകാ ജീവദായകാ എന്ന പാട്ടാണ്.
- എറണാകുളത്ത് നിലവിൽ കെ എസ് ആർ ടി സി ബസ്റ്റാൻഡ് ഇരിക്കുന്ന സ്ഥലമായിരുന്നു പണ്ടത്തെ കമ്മട്ടിപ്പാടം. കെ എസ് ആർ ടി സി ബസ്റ്റാന്റിന്റെ സൈഡിലുള്ള ഹോട്ടൽ ലൂസിയയിൽ തന്നെയാണ് കമ്മട്ടിപ്പാടം കാണാൻ കൃഷ്ണൻ ഏറ്റവും സ്വാഭാവികമായി തിരഞ്ഞെടുത്തത് എന്ന് കാണാം.
മുംബൈയിൽ സെക്യൂരിറ്റി ഓഫീസറായി ജോലി നോക്കുന്ന കൃഷ്ണന് തന്റെ ബാല്യകാലസുഹൃത്തായ ഗംഗയുടെ ഫോൺ കോൾ ലഭിക്കുന്നു. ഗംഗക്ക് എന്തോ സഹായം ആവശ്യമുണ്ടെന്നും അവനെന്തോ അപകടം പറ്റിയിട്ടുമുണ്ട് എന്ന് മനസിലാക്കുന്ന കൃഷ്ണൻ കൊച്ചിയിലേക്ക് തിരിക്കുന്നു. എഴുപതുകളിൽ ഗംഗയും സഹോദരൻ ബാലനും കൃഷ്ണനും മറ്റ് കൂട്ടുകാരുമൊക്കെ ഒത്ത് ചേർന്ന് നടത്തിയ കള്ളവാറ്റ് കടത്തും മറ്റ് ഗുണ്ടാജീവിതവുമൊക്കെ ഫ്ലാഷ്ബാക്കിലൂടെ മിന്നിമറയുന്നു.
വളരെ കുട്ടിക്കാലത്തേ കമ്മട്ടിപ്പാടത്തേക്ക് കുടുംബത്തോടൊപ്പം എത്തിച്ചേർന്ന കൃഷ്ണൻ അയൽവാസികളും കളിക്കൂട്ടുകാരനുമായ ഗംഗയുടെയും അനിതയുടേയും കുടുംബത്തോടൊപ്പം വളരുന്നു. തീരെച്ചെറുപ്പത്തിലേ വയലൻസിലേക്കും ക്രൈമിലേക്കും എടുത്തെറിയപ്പെടുന്ന ബാല്യമാണ് ഗംഗയുടേതും കൃഷ്ണന്റേതും. ഗംഗക്ക് അനിഷ്ടമുണ്ടെങ്കിലും ഗംഗയുടെ മുറപ്പെണ്ണായ അനിതയുമായി കൃഷ്ണൻ ഇഷ്ടത്തിലാണ്. 80പതുകളിലേക്ക് വികസിക്കുന്ന കഥയിൽ കുട്ടികളുടെയും യുവാക്കളുടേയും ഗുണ്ടാസംഘമായി വളർച്ച പ്രാപിക്കുന്ന കമ്മട്ടിപ്പാടത്തെ പിള്ളേർക്ക് സ്ഥലത്തെ പ്രധാനിയായി പയ്യെ വളരുന്ന സുരേന്ദ്രൻ ആശാനാണ് തുണ. ഗംഗയുടെ ചേട്ടൻ ബാലൻ തന്റേടിയും സംഘത്തിന്റെ നേതാവുമാണ്. പോലീസുമായുള്ള ഒരേറ്റുമുട്ടലിനിടെ ഗംഗയെ രക്ഷിക്കാൻ കൃഷ്ണൻ ഒരു പോലീസ് ഓഫീസറിനെ വെട്ടിക്കൊല്ലുന്നു, തുടർന്ന് ജയിലിലാവുന്നു. ജയിലിൽ നിന്ന് കുറച്ച് വർഷങ്ങൾക്ക് ശേഷം പുറത്തിറങ്ങുന്ന കൃഷ്ണന് പുതിയ കച്ചവടമേഖലകളിലേക്ക് വികസിച്ച കമ്മട്ടിപ്പാടം സംഘം നല്ല വരവേല്പാണ് കൊടുക്കുന്നത്.
ഒരു ദിവസം ബാലേട്ടൻ കാറപകടത്തിൽ കൊല്ലപ്പെടുന്നു. കൂടെ സഞ്ചരിച്ചിരുന്ന കൃഷ്ണനും ബാലന്റെ ഭാര്യ റോസമ്മയും തലനാരിഴക്ക് രക്ഷപെടുന്നു. ബാലന്റെ മരണത്തിൽ ഗംഗ കൃഷ്ണനെ കുറ്റപ്പെടുത്തുന്നതോടൊപ്പം അവരുടെ സൗഹൃദത്തിൽ വിള്ളൽ വീഴുന്നു. കൃഷ്ണൻ ഒരു ട്രാവൽ ഏജൻസി നടത്തി രക്ഷപെടാൻ ശ്രമിക്കുന്നുവെങ്കിലും ഗംഗയും കൂട്ടരും ഒത്ത് ചേർന്ന് നടത്തുന്ന ഒരു കുറ്റകൃത്യത്തിൽ കൃഷ്ണനും പങ്കാളിയാവുന്നു.സുഹൃദ് ബന്ധം വീണ്ടെടുക്കുന്ന കൃഷ്ണനും ഗംഗയും ബാലന്റെ മരണത്തിനു പിന്നിൽ അബ്കാരി ജോണിയാണ് എന്ന് മനസിലാക്കി ജോണിയെ കുത്തിവീഴ്ത്തുന്നു, തുടർന്ന് ഗംഗയും കൃഷ്ണനും ഒളിവിൽ താമസിക്കുന്നു.അനിതയെ മറക്കാൻ ഗംഗ കൃഷ്ണനോട് ആവശ്യപ്പെടുന്നു. ഒളിവിൽ നിന്ന് പുറത്തിറങ്ങി കാമുകിയായ അനിതയുമൊത്ത് നാടുവിടാൻ ശ്രമിക്കുന്ന കൃഷ്ണനെ പോലീസ് അറസ്റ്റ് ചെയ്യുന്നു. പോലീസിന്റെ അറസ്റ്റിലായ കൃഷ്ണൻ ഗംഗയെ ഒറ്റു കൊടുക്കുന്നില്ല. ഗംഗ അനിതയെ വിവാഹം കഴിക്കുകയും ജയിലിൽ നിന്ന് പുറത്തിറങ്ങുന്ന കൃഷ്ണൻ മുംബൈയിലെത്തിച്ചേരുകയും ചെയ്യുന്നു.
നിലവിലെ കാലഘട്ടത്തിലെക്ക് എത്തിച്ചേരുന്ന കഥയിൽ മൂംബൈയിൽ നിന്ന് നാട്ടിലെത്തുന്ന കൃഷ്ണൻ പഴയ സുഹൃത്തുക്കളുടെ അടുത്തും ഗംഗയുടെ വീട്ടിലും ഗംഗയുടെ വിവരങ്ങൾ തിരഞ്ഞിറങ്ങുന്നു. ജോണിയാണ് ഗംഗയുടെ തിരോധാനത്തിന്റെ പിന്നിലെന്ന് സംശയിക്കുന്ന കൃഷ്ണൻ ജോണിയുടെ ഗാംഗിനോട് ഏറ്റുമുട്ടുകയും കുത്തേൽക്കുകയും ചെയ്യുന്നു. ഗംഗയുടെ മൃതദേഹം കത്തിക്കരിഞ്ഞ നിലയിൽ കിട്ടി എന്ന് പോലീസോഫീസർ മാർട്ടിനിൽ നിന്ന് അറിയുന്ന കൃഷ്ണൻ അതീവ ദു:ഖിതനായി മാറുന്നു. ശേഷമുള്ള കഥ spoiler സെക്ഷനിൽ കാണാം.
Audio & Recording
ചമയം
Video & Shooting
സംഗീത വിഭാഗം
Technical Crew
Production & Controlling Units
സെക്കന്റ് യൂണിറ്റ്
ഈ ചിത്രത്തിലെ ഗാനങ്ങൾ
| നം. | ഗാനം | ഗാനരചയിതാവു് | സംഗീതം | ആലാപനം |
|---|---|---|---|---|
| 1 |
പറ പറ |
അൻവർ അലി | ജോൺ പി വർക്കി | അനൂപ് മോഹൻദാസ് , ശരത് ആലാപ്സ്, ശ്യാം ആലപാസ്, സുനിൽ മത്തായി, ഗ്രീഷ്മ , സോനു, അഞ്ജു, ഷിനിൽ ജോസഫ്, അനൂപ് ജി, കൃഷ്ണൻ, എബിൻ പീറ്റർ, ഗഗുൽ ജോസഫ്, കണ്ണൻ, അയ്യപ്പൻ, ജിതിൻ, യാസിൻ നിസാർ |
| 2 |
ചിങ്ങമാസത്തിലെ |
ദിലീപ് കെ ജി | ജോൺ പി വർക്കി | അനൂപ് മോഹൻദാസ് |
| 3 |
കാത്തിരുന്ന പക്ഷി |
അൻവർ അലി | കൃഷ്ണകുമാർ | കാർത്തിക് |
| 4 |
പുഴു പുലികൾ |
അൻവർ അലി | വിനായകൻ | സുനിൽ മത്തായി, സാവിയോ ലാസ് |
| Attachment | Size |
|---|---|
| Image icon തീയേറ്റർ ലിസ്റ്റ് | 180.94 KB |
| Image icon ഡിവിഡി കവർ | 307.76 KB |
