元维基:介绍

From Meta, a Wikimedia project coordination wiki

This page is a translated version of the page Meta:About and the translation is 100% complete.

欢迎到维基媒体元维基(一般性叫渠叫元维基,也叫Meta)来,迭只维基是用来协调各个维基媒体项目个。

元维基好派三种弗一样个用场,个眼用场侪是关联垃一道个,但是要用到个拉个人是弗一样个。

1. 用来讨论维基媒体项目个规划,特别是帮各个项目侪搭界个政策,像公开内容许可证咾啥。集中讨论个户堂是嘞垃元维基论坛高头。一部分主要嘞垃2009年办个级别蛮高个讨论,畀分到维基政策里向去仔。
2. 用来搞各个言话(各个维基项目)里向国际协调个户堂,主要是帮各个维基媒体项目还有维基媒体运动个整体搭界个事体,还包括用除脱英语之外个别个言话来讨论迭眼事体。迭个里向包括申请帮提议(畀全维基媒体或者其他维基用)、技术变化、翻译搭仔新闻,还包括说明、记录帮讨论现实里向办个活动还有搭维基媒体基金会帮自治体搭界个事体。还好去看看报告、大活动、拓展搭仔补贴。
3. 让人来写搭维基媒体项目搭界个小文章个论坛。因为个眼文章弗是用中立个观点写个,噶咾要用TIPAESA格式或者里向头个IPA格式,拿个眼交交关关个观点总结垃中立个问题页上向。要定下来何里眼物事是搭维基媒体项目搭界个迭个标准是蛮灵活个,噶咾元维基也有眼像肉圆维基恁介个物事,维基文化咾、模式咾啥侪好垃此地讨论。弗过垃此地记录MediaWiki现在已经弗来事哉(看下头)。个只功能还要包括更加正式个研究搭仔讨论。

个眼分类页代表元维基内容个大概情况。

1. 拿交关维基百科里向个弗好改个文章厾垃此地个户堂。
   • 假使侬要做侬自家个维基,去维基百科上个维基软件列表里向看看。
   • 假使侬垃寻维基社区,去维基百科上个其他维基社区,或者肉圆维基个社区列表看看。
   • 假使侬垃寻自由个网络空间,侬好去维基百科上个网站托管服务了解眼情况。
2. 写MediaWiki软件个事体个户堂。迭只软件垃MediaWiki.org有渠自家个维基。个恁介个内容搭网页应该要搬过去。

交关人讨论过元维基是弗是社区迭个问题。 现在好确定个是,渠没自家个、帮别个维基媒体项目分开来个社区。有一个人讲过:"元项目——做出来是为了别个维基媒体个维基,要帮个拉搭界,弗是要自家变成有内容个项目——是所有个社区个社区,弗是渠自家一家头个社区。"^[1]

迭个意思就是交关个讨论、流程搭别个活动侪垃元维基上头,参加搭仔管理(有个言话)个人也弗一样——比方讲,一部分维基媒体委员会、管理员还有拿补贴个维基媒体基金会个员工——渠拉没人是元维基,但是也好讲渠拉侪是元维基。元维基是参加进来个人拿自家个目标做成功个户堂搭工具,弗是要直接影响渠拉,更加弗会得压垃渠拉头顶上。

弗过严格来讲,确实有只元维基专门个社区:迭个是一群积极参加一部分或者交关活动个人(特别是"修修弄弄个人"),渠拉是垃关心元维基要好做到上头个个眼目的,还有可能插手进来来保证渠会得做成功。^[2]

有常辰光会得用"元维基人"来叫迭眼专门个"元维基社区"个成员,迭个是经常嘞垃元维基上向活跃个人个社区,比方讲垃内容页上做贡献个人,或者垃别个讨论搭流程里向帮忙个人。

元维基开起头是2001年11月份造出来个"元维基百科",来让英文维基百科弗要忒乱七八糟,拿元内容(帮维基百科网站搭用户搭界个内容)侪部搬到只新个维基里向去,留下来真正个内容(百科文章)。从渠升级到维基百科定做垃个MediaWiki软件开始,元维基已经变成仔一只各个言话个社区侪嘞个上头讨论个论坛。维基媒体项目搭翻译个数量不停个垃增加,元维基个范围也嘞垃变大。元维基有166,930篇文章。交关个老里八早个网页还是专门写畀维基百科个,但是现在应该好讲交关个眼文章也好用垃所有个维基媒体项目上向。

• 元维基:收录政策
• 元维基:删除政策
• 政策帮规则
• 隐私政策
• 管理员政策
• 新项目政策(老早个)

• 现在个事体
• 元维基:分类——介绍页
• 元维基:巴别模板——元维基用户会得讲个言话
• 元维基:打扫
• 元维基:申请删脱
• 元维基:申请恢复删脱个网页
• 项目链接——各个维基媒体项目网站个链接
• 维基媒体基金会帮维基媒体项目。

Retrieved from "https://meta.wikimedia.org/w/index.php?title=Meta:About/wuu&oldid=30792525"

Category:

• Meta-Wiki organisation/wuu