元維基:介紹

From Meta, a Wikimedia project coordination wiki

This page is a translated version of the page Meta:About and the translation is 100% complete.

歡迎到維基媒體元維基(一般性叫渠叫元維基,也叫Meta)來,迭只維基是用來協調各個維基媒體項目個。

元維基好派三種弗一樣個用場,個眼用場儕是關聯垃一道個,但是要用到個拉個人是弗一樣個。

1. 用來討論維基媒體項目個規劃,特別是幫各個項目儕搭界個政策,像公開內容許可證咾啥。集中討論個戶堂是嘞垃元維基論壇高頭。一部分主要嘞垃2009年辦個級別蠻高個討論,畀分到維基政策里向去仔。
2. 用來搞各個言話(各個維基項目)里向國際協調個戶堂,主要是幫各個維基媒體項目還有維基媒體運動個整體搭界個事體,還包括用除脫英語之外個別個言話來討論迭眼事體。迭個裡向包括申請幫提議(畀全維基媒體或者其他維基用)、技術變化、翻譯搭仔新聞,還包括說明、記錄幫討論現實里向辦個活動還有搭維基媒體基金會幫自治體搭界個事體。還好去看看報告、大活動、拓展搭仔補貼。
3. 讓人來寫搭維基媒體項目搭界個小文章個論壇。因為個眼文章弗是用中立個觀點寫個,噶咾要用TIPAESA格式或者里向頭個IPA格式,拿個眼交交關關個觀點總結垃中立個問題頁上向。要定下來何里眼物事是搭維基媒體項目搭界個迭個標準是蠻靈活個,噶咾元維基也有眼像肉圓維基恁介個物事,維基文化咾、模式咾啥儕好垃此地討論。弗過垃此地記錄MediaWiki現在已經弗來事哉(看下頭)。個只功能還要包括更加正式個研究搭仔討論。

個眼分類頁代表元維基內容個大概情況。

1. 拿交關維基百科裡向個弗好改個文章厾垃此地個戶堂。
   • 假使儂要做儂自家個維基,去維基百科上個維基軟件列表里向看看。
   • 假使儂垃尋維基社區,去維基百科上個其他維基社區,或者肉圓維基個社區列表看看。
   • 假使儂垃尋自由個網絡空間,儂好去維基百科上個網站託管服務了解眼情況。
2. 寫MediaWiki軟件個事體個戶堂。迭只軟件垃MediaWiki.org有渠自家個維基。個恁介個內容搭網頁應該要搬過去。

交關人討論過元維基是弗是社區迭個問題。 現在好確定個是,渠沒自家個、幫別個維基媒體項目分開來個社區。有一個人講過:「元項目——做出來是為了別個維基媒體個維基,要幫個拉搭界,弗是要自家變成有內容個項目——是所有個社區個社區,弗是渠自家一家頭個社區。」^[1]

迭個意思就是交關個討論、流程搭別個活動儕垃元維基上頭,參加搭仔管理(有個言話)個人也弗一樣——比方講,一部分維基媒體委員會、管理員還有拿補貼個維基媒體基金會個員工——渠拉沒人是元維基,但是也好講渠拉儕是元維基。元維基是參加進來個人拿自家個目標做成功個戶堂搭工具,弗是要直接影響渠拉,更加弗會得壓垃渠拉頭頂上。

弗過嚴格來講,確實有只元維基專門個社區:迭個是一群積極參加一部分或者交關活動個人(特別是「修修弄弄個人」),渠拉是垃關心元維基要好做到上頭個個眼目的,還有可能插手進來來保證渠會得做成功。^[2]

有常辰光會得用「元維基人」來叫迭眼專門個「元維基社區」個成員,迭個是經常嘞垃元維基上向活躍個人個社區,比方講垃內容頁上做貢獻個人,或者垃別個討論搭流程里向幫忙個人。

元維基開起頭是2001年11月份造出來個「元維基百科」,來讓英文維基百科弗要忒亂七八糟,拿元內容(幫維基百科網站搭用戶搭界個內容)儕部搬到只新個維基里向去,留下來真正個內容(百科文章)。從渠升級到維基百科定做垃個MediaWiki軟件開始,元維基已經變成仔一隻各個言話個社區儕嘞個上頭討論個論壇。維基媒體項目搭翻譯個數量不停個垃增加,元維基個範圍也嘞垃變大。元維基有166,942篇文章。交關個老里八早個網頁還是專門寫畀維基百科個,但是現在應該好講交關個眼文章也好用垃所有個維基媒體項目上向。

• 元維基:收錄政策
• 元維基:刪除政策
• 政策幫規則
• 隱私政策
• 管理員政策
• 新項目政策(老早個)

• 現在個事體
• 元維基:分類——介紹頁
• 元維基:巴別模板——元維基用戶會得講個言話
• 元維基:打掃
• 元維基:申請刪脫
• 元維基:申請恢復刪脫個網頁
• 項目鏈接——各個維基媒體項目網站個鏈接
• 維基媒體基金會幫維基媒體項目。

Retrieved from "https://meta.wikimedia.org/w/index.php?title=Meta:About/wuu&oldid=30792525"

Category:

• Meta-Wiki organisation/wuu