താങ്കളുടെ നിർദ്ദേശങ്ങൾ അറിയിക്കൂ

ഈശ്വരൻ മനുഷ്യനായ് അവതരിച്ചു
ഈ ..മണ്ണിൻ ദുഃഖങ്ങൾ സ്വയം വരിച്ചു
ഇരവും പകലും കരയും കടലും
ഇടചേർന്ന ജീവിത കളിയരങ്ങിൽ..
ഈശ്വരൻ മനുഷ്യനായി അവതരിച്ചു
ഈ ..മണ്ണിൻ ദുഃഖങ്ങൾ സ്വയം വരിച്ചു

കർമ്മഫലങ്ങൾ പിൻതുടരുന്നു
കയ്പ്പും മധുരവും പകരുന്നു.. (2)
അവതാരനാടകം അവിരാമം തുടരുന്നു
അരങ്ങുകൾ മാത്രം മാറുന്നു..
ഈശ്വരൻ മനുഷ്യനായി അവതരിച്ചു
ഈ ..മണ്ണിൻ ദുഃഖങ്ങൾ സ്വയം വരിച്ചു

കാണികൾ നമ്മൾ എന്തറിയുന്നു..
കണ്ണീർ മിഴികളേ മറയ്ക്കുന്നു (2)
അലകടൽ നടുവിലും അഖില മനസ്സിലും
അണുവിലും പള്ളിയുറങ്ങുന്നു
ഈശ്വരൻ മനുഷ്യനായി അവതരിച്ചു
ഈ ..മണ്ണിൻ ദുഃഖങ്ങൾ സ്വയം വരിച്ചു
ഇരവും പകലും കരയും കടലും
ഇടചേർന്ന ജീവിത കളിയരങ്ങിൽ..
ഈശ്വരൻ മനുഷ്യനായി അവതരിച്ചു
ഈ ..മണ്ണിൻ ദുഃഖങ്ങൾ സ്വയം വരിച്ചു