താങ്കളുടെ നിർദ്ദേശങ്ങൾ അറിയിക്കൂ

1953 -ൽ എറണാകുളം ജില്ലയിലെ ചേന്ദമംഗലം പറപ്പുവീട്ടിൽ കുടുംബത്തിലാണ് പ്രതാപൻ ജനിച്ചത്. ചെറുപ്പം മുതലേ കലാരംഗത്ത് താല്പര്യമുണ്ടായിരുന്ന അദ്ദേഹം മലയാള ചലച്ചിത്ര-സീരിയൽ രംഗത്ത് തനതായ അഭിനയശൈലി കൊണ്ട് ശ്രദ്ധേയനായി. മാധ്യമപ്രവർത്തകനായിരുന്ന പ്രതാപൻ ഇന്ത്യൻ എക്സ്പ്രസ്, കേരളകൗമുദി, ജീവൻ ടിവി, ഇന്ത്യ ടുഡേ തുടങ്ങിയ പ്രമുഖ സ്ഥാപനങ്ങളിൽ പി.ആർ.ഓ (PRO), മാർക്കറ്റിങ് വിഭാഗം തലവൻ, ജനറൽ മാനേജർ എന്നീ തസ്തികകളിൽ ദീർഘകാലം സേവനമനുഷ്ഠിച്ചു. മാധ്യമരംഗത്ത് സജീവമായിരിക്കുന്ന സമയത്താണ് അദ്ദേഹം സിനിമ, ടെലിവിഷൻ മേഖലകളിലേക്ക് ശ്രദ്ധ കേന്ദ്രീകരിക്കുന്നത്.

1987 -ൽ പ്രിയദർശൻ സംവിധാനം ചെയ്ത ചെപ്പ്, ആഷാ ഖാൻ സംവിധാനം ചെയ്ത കാലത്തിന്റെ ശബ്ദം എന്നീ ചിത്രങ്ങളിലൂടെയാണ് പ്രതാപൻ ചലച്ചിത്രരംഗത്ത് അരങ്ങേറ്റം കുറിക്കുന്നത്. ശ്രീകൃഷ്ണപുരത്തെ നക്ഷത്രത്തിളക്കം, തച്ചിലേടത്ത് ചുണ്ടൻ, ലയൺ... എന്നിവയുൾപ്പെടെ മുപ്പതോളം സിനിമകളിൽ അദ്ദേഹം അഭിനയിച്ചിട്ടുണ്ട്. 2011 -ൽ പുറത്തിറങ്ങിയ കുടുംബശ്രീ ട്രാവൽസ് ആണ് അദ്ദേഹത്തിന്റെ അവസാന ചിത്രം. സിനിമകൾ കൂടാതെ നിരവധി ടെലിവിഷൻ സീരിയലുകളിലും അദ്ദേഹം അഭിനയിച്ചിട്ടുണ്ട്.

റിട്ടയേർഡ് അധ്യാപികയായ കെ. പി. പ്രസന്നയാണ് പ്രതാപന്റെ ഭാര്യ. ബാങ്ക് ഉദ്യോഗസ്ഥനായ പ്രശാന്ത് ഏക മകനാണ്. 2023 മെയിൽ അദ്ദേഹം അന്തരിച്ചു.