ബിന്ദു മുരളി

മലയാള ചലച്ചിത്രരംഗത്ത് സ്വഭാവനടിയായി ശ്രദ്ധേയമായ വേഷങ്ങൾ കൈകാര്യം ചെയ്തിട്ടുള്ള അഭിനേത്രിയാണ് ബിന്ദു മുരളി എന്ന ബിന്ദു നായർ. സീരിയലുകളിലൂടേയും സിനിമകളിലൂടേയും ശ്രദ്ധേയയായ അവർ 1997 -ൽ ഐ വി.ശശി സംവിധാനം ചെയ്ത അനുഭൂതി എന്ന സിനിമയിലൂടെയാണ് അവർ ചലച്ചിത്ര മേഖലയിലേക്കെത്തുന്നത്. തുടർന്ന് ശ്രീകൃഷ്ണപുരത്തെ നക്ഷത്രത്തിളക്കം, ഇൻഡിപ്പെൻഡൻസ്, കസ്തൂരിമാൻ, രാപ്പകൽ, വിനോദയാത്ര, ഒപ്പം... എന്നിവയുൾപ്പെടെ നിരവധി സിനിമകളിൽ അഭിനയിച്ചു. സിനിമകൾ കൂടാതെ നിരവധി ടെലിവിഷൻ സീരിയലുകളിലും അഭിനയിച്ചിട്ടുള്ള ബിന്ദു മുരളി സീരിയൽ രംഗത്തും ശ്രദ്ധേയയാണ്.

അഭിനയത്തിന് പുറമേ സാമൂഹ്യ സേവന മേഖലയിലും പ്രവർത്തിക്കുന്ന ബിന്ദു മുരളി ഓട്ടിസം ബാധിച്ച കുട്ടികൾക്കായുള്ള ഒരു സംഘടന നടത്തുന്നുണ്ട്.