താങ്കളുടെ നിർദ്ദേശങ്ങൾ അറിയിക്കൂ

തൃശ്ശൂർ ഇരിങ്ങാലക്കുടയിലാണ് മനേഷ് കൃഷ്ണൻ ജനിച്ചത്. സ്കൂൾ പഠനകാലത്ത് തന്നെ കലാപരിപാടികളിൽ പങ്കെടുത്തിരുന്ന മനേഷ് മോഡലിംഗിലൂടെയാണ് കലാരംഗത്ത് സജീവമാകുന്നത്..മോഡലിംഗ് ചെയ്തുകൊണ്ടിരുന്നപ്പോഴാണ് മ്യൂസിക്കൽ ആൽബങ്ങളിൽ അഭിനയിക്കാനുള്ള അവസരം ലഭിയ്ക്കുന്നത്. തൂവെണ്ണിലാ എന്ന മ്യൂസിക്കൽ ആൽബത്തിലാണ് മനേഷ് ആദ്യമായി അഭിനയിക്കുന്നത്. അതിനുശേഷം കുങ്കുമം, ശ്രീ നന്ദനം തുടങ്ങിയ ആൽബങ്ങളിലും അഭിനയിച്ചു.

ആൽബങ്ങളിലൂടെ ശ്രദ്ധിയ്ക്കപ്പെട്ടതാണ് മനേഷിന് സിനിമയിലേയ്ക്ക് അവസരമൊരുക്കിയത്. ഒരു ഓഡിഷനിലൂടെയാണ് ടൂർണമെന്റ് എന്ന സിനിമയിലേക്ക് അദ്ദേഹം തിരഞ്ഞെടുക്കപ്പെടുന്നത്. ലാൽ സംവിധാനം ചെയ്ത ടൂർണ്ണമെന്റ് എന്ന ചിത്രത്തിൽ നായകന്മാരിലൊരാളായിക്കൊണ്ട് മനേഷ് കൃഷ്ണൻ സിനിമയിൽ തുടക്കം കുറിച്ചു. തുടർന്ന് ഫ്രൈഡേ 11.11.11 ആലപ്പുഴ, ഡബിൾ ബാരൽ, ഒരു മെക്സിക്കൻ അപാരത, തൃശൂർ പൂരം, മുന്തിരി മൊഞ്ചൻ എന്നിവയുൾപ്പെടെ പത്തിലധികം സിനിമകളിൽ അഭിനയിച്ചു.