ۇيلەنۋ جانە وتباسى جاعىنداعى داۋ - شاردى شەشۋگە قاتىستى ەڭ جاڭا ءادىليالىق بەلگىلەمە ورتاعا قويىلدى

«ەڭ جوعارى حالىق سوتى مەكەمەسىنىڭ ‹جۇڭحۋا حالىق رەسپۋبليكاسىنىڭ ازاماتتىق زاڭناماسىنداعى› ۇيلەنۋ جانە وتباسى ءبولىمىن قولدانۋ جونىندەگى تۇسىندىرمەسى (2)» 1 – ايدىڭ 15 – كۇنى اشىق جاريالاندى، 2025 - جىلى 2 - ايدىڭ 1 - كۇنىنەن باستاپ اتقارىلادى.

جۇبايى بار ادامنىڭ تاعى دا ۇيلەنۋىنىڭ مۇلدە كۇشكە يە ەمەس ەكەندىگى جونىندەگى مايداندى ايقىن تۇراقتاندىرعان، الەۋمەتتىك ءتارتىپ پەن تاماشا سالت - ساناعا قايشىلىق جاساۋ ماقساتىمەن، ەرلى - زايىپتىلاردىڭ ورتاق مال - مۇلكىن ءبىرجاقتىلى ەتۋ ارەكەتىنىڭ كۇشكە يە ەمەس ەكەندىگى ايقىندالىپ، اتا - انانىڭ پەرزەنتتەرى ۇيلەنگەننەن كەيىن ءۇي ساتىپ الۋىنا قارجى شىعارۋى، ەرلى – زايىپتىلاردىڭ ءبىر – بىرىنە ءۇي - جاي بەرۋى قاتارلى جاقتارداعى ماسەلەلەرگە جاۋاپ قايتارىلدى... ءادىليالىق تۇسىندىرمە 23 تارماقتان قۇرالعان، ماقسات — الەۋمەتتىك ءتارتىپ پەن تاماشا سالت - سانانى قورعاپ، جەكەلىك مال - مۇلىك ۇقىعى مەن ۇيلەنۋ، وتباسى اراسىنداعى مۇددەنىڭ تەپە – تەڭدىگىن قورعاپ، ازامات جاسىنا تولماعانداردىڭ اقاۋسىز ەسەيىپ - ەرجەتۋىن قورعاپ، وتباسى مۇشەلەرىن قارتتاردى قۇرمەتتەۋگە، بالالاردى ايالاۋعا، ءوزارا كومەكتەسۋگە جەتەلەپ، قوعامداعى جۇرتشىلىقتىڭ دۇرىس ۇيلەنۋ - ماحاببات كوزقاراسىن ورناتۋىن ىلگەرىلەتۋ.

كەلۋ قاينارى: حالىق تورابى