ەلىمىز ا ق ش - نىڭ 7 ناقتى تۇلعاسىن سەنىمسىز ناقتى تۇلعالار تىزىمدىگىنە ەنگىزدى

شينحۋا اگەنتتىگىنىڭ 1 – ايدىڭ 14 – كۇنى بەيجيڭنەن بەرگەن حابارى. ءتىلشىنىڭ 1 – ايدىڭ 14 – كۇنى ساۋدا مينيسترلىگىنەن ۇعىسۋىنشا، سەنىمسىز ناقتى تۇلعالار تىزىمدىگىن جاساۋ قىزمەت مەحانيزمى سول كۇنى حابارلاندىرۋ شىعارىپ، ا ق ش ـ نىڭ 7 ناقتى تۇلعاسىن سەنىمسىز ناقتى تۇلعالار تىزىمدىگىنە ەنگىزۋدى ۇيعارعان.

ا ق ش - نىڭ بۇل 7 ناقتى تۇلعاسى: تايۋان رايونىنا اسكەري قارۋ - جاراق ساتۋعا قاتىناسقان تەڭىز جاعالاۋى ارالىق ەلەكترون سەرىكتەستىگى، جۇيەنى زەرتتەۋ جانە ەلىكتەۋ سەرىكتەستىگى، تيەشان شەشۋ جوباسى سەرىكتەستىگى، قولدانىلمالى تەحنيكا توبى، اكسينت سەرىكتەستىگى، اندۋرير سەرىكتەستىگى، تەڭىزدەگى تاكتيكا جۇيەسى سەرىكتەستىگى.

حابارلاندىرۋدا جوعارىدا ايتىلعان ا ق ش تۇلعالارىنا مىناداي ءبىر جاقتى ەتۋ شارالارىن قولدانۋ ۇيعارىلدى:

1. جوعارىدا ايتىلعان كاسىپورىنداردىڭ جۇڭگوعا قاتىستى يمپورت - ەكسپورت قيمىلدارىمەن شۇعىلدانۋىنا تيىم سالىنادى؛ 2. جوعارىدا ايتىلعان كاسىپورىنداردىڭ جۇڭگو شەكاراسى ىشىندە جاڭادان قارجى قوسۋىنا تيىم سالىنادى؛ 3. جوعارىدا ايتىلعان كاسىپورىنداردىڭ جوعارى دارەجەلى باسقارۋشىلارىنىڭ شەكارادان كىرۋىنە تيىم سالىنادى؛ 4. جوعارىدا ايتىلعان كاسىپورىنداردىڭ جوعارى دارەجەلى باسقارۋشىلارىنىڭ جۇڭگو شەكاراسى ىشىندە قىزمەت ىستەۋىنە رۇقسات بەرۋ كۋالىگى، ايالداۋ نەمەسە قونىستانۋ تولىمدىلىعى بەكىتىلمەيدى جانە كۇشىنەن قالدىرىلادى.

ساۋدا مينيسترلىگىنىڭ اقپارات مالىمدەمەشىسى سول كۇنى قايتارعان جاۋابىندا بىلاي دەدى: جۋىردا ا ق ش قايتا – قايتا جۇڭگونىڭ تايۋان رايونىنا اسكەري قارۋ – قاراق ساتىپ، ءبىر جۇڭگو پرينسيبىنە جانە جۇڭگو مەن ا ق ش اراسىنداعى ءۇش رەتكى بىرلەسكەن مالىمدەمەگە اۋىر دارەجەدە قايشىلىق جاسادى، حالىقارالىق زاڭعا اۋىر دارەجەدە قايشىلىق جاسادى، تايۋان بۇعازىنىڭ بەيبىتشىلىگى مەن ورنىقتىلىعىن ءبۇلدىردى. ا ق ش – نىڭ تەڭىز جاعالاۋى ارالىق ەلەكترون سەرىكتەستىگى قاتارلى 7 سەرىكتەستىگى جۇڭگو جاقتىڭ قاتاڭ قارسى تۇرۋىمەن ساناسپاستان، تايۋانعا اسكەري قارۋ – جاراق ساتىپ بەرۋگە قاتىناسىپ، اتالمىش اسكەري تەحنيكا جاعىنداعى سەلبەستىكتى ورىستەتىپ، جۇڭگونىڭ يەلىك ۇقىق، حاۋىپسىزدىك، دامۋ مۇددەسىن اۋىر دارەجەدە زياندادى. جۇڭگو جاق «جۇڭحۋا حالىق رەسپۋبليكاسىنىڭ سىرتقى ساۋدا زاڭى»، «جۇڭحۋا حالىق رەسپۋبليكاسىنىڭ مەملەكەت حاۋىپسىزدىگى زاڭى»، «جۇڭحۋا حالىق رەسپۋبليكاسىنىڭ شەتەلدىڭ جازالاۋ شارالارىنا قارسى تۇرۋ زاڭى» قاتارلى زاڭدارعا ساي، «سەنىمسىز ناقتى تۇلعالار تىزىمدىگى ەرەجەسىندەگى» قاتىستى بەلگىلەمەلەرگە سۇيەنە وتىرىپ، ولاردىڭ زاڭعا قايشى جاۋاپكەرشىلىگىن زاڭ بويىنشا قۋزاستىرادى.

بۇل مالىمدەمەشى بىلاي دەدى: سەنىمسىز ناقتى تۇلعالار تىزىمدىگى ماسەلەسىن باستان ـ اياق بايىپتىلىقپەن ءبىر جاقتى ەتىپ كەلەدى، تەك ەلىمىزدىڭ حاۋىپسىزدىگىنە زيان جەتكىزەتىن وتە از ساندى شەتەل تۇلعالارىنا عانا باعىتتالادى، ادال، زاڭعا بويسۇناتىن شەتەل تۇلعالارىنىڭ الاڭداۋىنىڭ قاجەتى جوق. جۇڭگو ۇكىمەتى دۇنيە جۇزىندەگى ءار ەل كاسىپورىندارىنىڭ جۇڭگوعا كەلىپ قارجى قوسىپ، شارۋاشىلىقتى گۇلدەندىرۋىن بۇرىنعىداي قارسى الادى، سونداي ـ اق، زاڭ - تۇزىمگە ۇيلەسەتىن شەتەل كاپيتالىمەن قۇرىلعان كاسىپورىنداردىڭ جۇڭگودا تيجارات جۇرگىزۋىنە ورنىقتى، ءادىل جانە مەجەلەۋگە بولاتىن تيجارات ـ ساۋدا ورتاسىن ازىرلەۋگە كۇش سالادى.

كەلۋ قاينارى: حالىق تورابى