ا ق ش جاساندى زەردەگە قاتىستى ەكسپورتتى باسقارۋ – تەجەۋ شاراسىن جاريالادى، ەلىمىزدىڭ ساۋدا مينيسترلىگى جاۋاپ قايتاردى

جۇڭگو اقپارات تورابىنىڭ 1 – ايدىڭ 13 – كۇنى بەرگەن حابارى. ساۋدا مينيسترلىگى تورابىنىڭ حابارىنا قاراعاندا، 1 – ايدىڭ 13 – كۇنى ساۋدا مينيسترلىگىنىڭ اقپارات مالىمدەمەشىسى ا ق ش – نىڭ جاساندى زەردەگە بايلانىستى ەكسپورتتى باسقارۋ – تەجەۋ شاراسىن جاريالاۋىنا قاتىستى ماسەلەلەر جونىندە تىلشىلەردىڭ سۇراۋىنا جاۋاپ بەرگەن.

سۇراۋ: ا ق ش – نىڭ ساۋدا مينيسترلىگى جاساندى زەردەگە قاتىستى ەكسپورتتى باسقارۋ – تەجەۋ جاعىنداعى جاڭا شارالارىن جاريالادى، جۇڭگو جاق بۇل جونىندە قالاي جاۋاپ قايتارادى؟

جاۋاپ: جۇڭگو جاق بۇعان نازار اۋدارىپ وتىر، بايدەن ۇكىمەتى 1 – ايدىڭ 13 –كۇنى جاساندى زەردەگە قاتىستى ەكسپورتتى باسقارۋ - تەجەۋ شارالارىن جاريالادى. بۇل شارا جاساندى زەردە چيپى، مودەل پارامەترى قاتارلىلاردى ەكسپورت ەتۋ جاعىنداعى باسقارۋ - تەجەۋدى ونان ارى قاتايتۋمەن بىرگە، الىستان باسقارۋ كولەمىن دە كەڭەيتىپ، ءۇشىنشى جاقتىڭ جۇڭگومەن قالىپتى ساۋدانى ورىستەتۋىنە كەدەرگىلىك جاساپ، جونسىزدىكپەن كيلىككەندىك. وسىنىڭ الدىندا، ا ق ش - نىڭ جوعارى عىلىم – تەحنيكا سالاسىنداعى كاسىپورىندارى، كاسىپ سالاسىنداعى ۇيىمدارى قاتارلىلار كوپ ءتۇرلى ارنالار ارقىلى نارازىلىق جانە الاڭداۋشىلىق ءبىلدىرىپ، بۇل شارا تولىق تالقىلانباعان، ات ءۇستى شىعارىلعان شارا، جاساندى زەردە سالاسىنا باعىتتالعان شەكتەن تىس باقىلاۋ - باسقارۋ بولىپ، اۋىر ءتيىمسىز زارداپ تۋدىرادى دەپ قاراپ، بايدەن ۇكىمەتىن اتالعان شارانى ورتاعا قويۋدى توقتاتۋعا قاتاڭ قۋزادى. الايدا، بايدەن ۇكىمەتى كاسىپ سالاسىنداعىلاردىڭ ۇيلەسىمدى پىكىرىنە قۇلاق اسپاي، شارانى قاسارىسا اسىعىس – ۇسىگىس ورتاعا قويدى، بۇل مەملەكەت حاۋىپسىزدىگى ۇعىمىنىڭ كولەمىن شەكتەن تىس كەڭەيتۋدىڭ، ەكسپورتتى باسقارۋ – تەجەۋ شارالارىن الباتى پايدالانۋدىڭ تاعى ءبىر مىسالى، حالىقارالىق كوپ جاقتى ەكونوميكا - ساۋدا ەرەجەسىنە اشىقتان - اشىق قايشىلىق جاساۋ بولىپ تابىلادى. جۇڭگو جاق بۇعان باتىل قارسى تۇرادى.

بايدەن ۇكىمەتى ەكسپورتتى باسقارۋ - تەجەۋ شارالارىن الباتى قولدانىپ، ءار ەلدىڭ ەكونوميكا ـ ساۋدا سالاسىنداعى قالىپتى بارىس ـ كەلىسىنە اۋىر دارەجەدە كەدەرگىلىك جاساپ، بازار ەرەجەسى مەن حالىقارالىق ەكونوميكا ـ ساۋدا ءتارتىبىن اۋىر دارەجەدە ءبۇلدىرىپ، الەمدىك عىلىم ـ تەحنيكادا جاڭالىق اشۋعا اۋىر ىقپال جاساپ، ا ق ش كاسىپورىندارىن قامتىعان دۇنيە جۇزىندەگى ءار ەل كاسىپورىندارىنىڭ مۇددەسىنە اۋىر زيان جەتكىزدى. جۇڭگو جاق قاجەتتى شارالار قولدانىپ، ءوزىنىڭ ۇيلەسىمدى ۇقىق - مۇددەسىن باتىل قورعايدى.

كەلۋ قاينارى: حالىق تورابى