ശിവജി

പട്ടാമ്പി സ്വദേശിയായ ഡോ. എം കെ വാര്യരുടേയും കമലയ്യ ദമ്പതികളുടെ മകനായി ജനനം. കോളേജ് വിദ്യാഭ്യാസത്തിനു ശേഷം അഭിനയ മോഹവുമായി മദ്രാസിലെത്തിയ ശിവജി ആദ്യം അഭിനയിച്ചത് ബേപ്പൂർ മണി സംവിധാനം ചെയ്ത രാജ്യദ്രോഹി എന്ന ചിത്രത്തിലായിരുന്നുവെങ്കിലും, ആ ചിത്രം പുറത്ത് വന്നില്ല. പിന്നീട് അറിയപ്പെടാത്ത രഹസ്യം, ശ്രീകുമാരൻ തമ്പിയുടെ ഇരട്ടി മധുരം എന്നീ ചിത്രങ്ങളിൽ അഭിനയിച്ചു. ഇരട്ടി മധുരത്തിലെ വേഷം ശ്രദ്ധിക്കപ്പെട്ടതോടെ കൂടുതൽ വേഷങ്ങൾ അദ്ദേഹത്തെ തേടിയെത്തി. 1989 ൽ വേട്ട എന്ന സീരിയലിൽ അഭിനയിച്ചു കൊണ്ട് മിനി സ്ക്രീനിലെത്തി. സിനിമയിൽ തുടർന്നുവെങ്കിലും പിന്നീട് സീരിയലുകളിലൂടെയായിരുന്നു അദ്ദേഹം പ്രേക്ഷകർക്ക് പരിചിതനായത്. ഉയർന്ന രക്തസമ്മർദ്ദത്തെ തുടർന്ന് തിരുവനന്തപുരത്തെ സ്വകാര്യാശുപത്രിയിൽ പ്രവേശിപ്പിച്ച അദ്ദേഹം, 2004 സെപ്തംബർ 30ന് ഈ ലോകത്തോട് വിട പറഞ്ഞു.

ഭാര്യ: ജയശ്രീ, മകൾ ഉണ്ണിമായ