ഷാജി നടുവില്‍

കണ്ണൂർ സ്വദേശിയായ ഷാജി നടുവിൽ മലയാള ചലച്ചിത്രലോകത്തെ പ്രഗത്ഭനായ കലാസംവിധായകനും പ്രൊഡക്ഷൻ ഡിസൈനറുമാണ്. 2001 -ൽ നക്ഷത്രങ്ങൾ പറയാതിരുന്നത് എന്ന സിനിമയിൽ കലാസംവിധാന സഹായിയായിട്ടാണ് ഷാജി തന്റെ കലാജീവിതത്തിന് തുടക്കം കുറിയ്ക്കുന്നത്. തുടർന്ന് ഉടയോൻ ഉൾപ്പെടെ ചില ചിത്രങ്ങളിൽ കലാസംവിധാന സഹായിയായി അദ്ദേഹം പ്രവർത്തിച്ചു.

2007 -ൽ ഇറങ്ങിയ അതിശയൻ എന്ന സിനിമയിലൂടെ അസോസിയേറ്റ് ആർട്ട് ഡയറക്ടറായ ഷാജി 2019 -ൽ ഇറങ്ങിയ ഒരു യമണ്ടൻ പ്രേമകഥ വരെ ഏഴ് സിനിമകളിൽ കലാസംവിധാന രംഗത്ത് അസോസിയേറ്റ് ഡയറക്ടറായി പ്രവർത്തിച്ചു. 2019 -ൽ ഇറങ്ങിയ ജാക്ക് & ഡാനിയൽ, മധുരരാജ എന്നീ സിനിമകളിലൂടെ ഷാജി നടുവിൽ സ്വതന്ത്ര കലാസംവിധായകനായി. തുടർന്ന് പത്തിലധികം സിനിമകളിൽ അദ്ധേഹം കലാസംവിധായകനായി പ്രവർത്തിച്ചു. കളങ്കാവൽ, പ്രതിഛായ എന്നിവയുൾപ്പെടെ പത്തോളം സിനിമകളുടെ പ്രൊഡക്ഷൻ ഡിസൈനറായിരുന്നു ഷാജി നടുവിൽ. റോഷാക്ക് ഉൾപ്പെടെ ചില സിനിമകളിൽ അഭിനേതാവായും അദ്ദേഹം തന്റെ കഴിവ് തെളിയിച്ചിട്ടുണ്ട്.

ഷാജി നടുവിൽ - Facebook