താങ്കളുടെ നിർദ്ദേശങ്ങൾ അറിയിക്കൂ

ഇന്ത്യൻ ചലച്ചിത്ര താരം. 1958 ഡിസംബർ 22-ന് ചെന്നൈയിൽ ജനിച്ചു. അലമേലു മങ്ക എന്നതായിരുന്നു യഥാർത്ഥ നാമം. 1974-ൽ അടടാനി അടുർസ്തം എന്ന തെലുങ്കു സിനിമയിലൂടെയാണ് ജയമാലിനിയുടെ തുടക്കം. 1974-ൽ തന്നെ ചട്ടക്കാരി എന്ന സിനിമയിലുടെ മലയാളത്തിലെത്തി. 1978-ൽ ഷാലിമാർ എന്ന ഹിന്ദി സിനിമയിലെ ഒരു ഡാൻസ് നമ്പറോടെയാണ് ജയമാലിനി പ്രശസ്തയാകുന്നത്. തുടർന്ന് തെലുങ്കു,തമിഴ്,കന്നഡ,മലയാളം,ഹിന്ദി..എന്നീ ഭാഷാ സിനിമകളിലെല്ലാം ജയമാലിനി അഭിനയിച്ചു. ഏതാണ്ട് അഞ്ഞൂറോളം സിനിമകളിൽ അഭിനയിച്ചിട്ടുണ്ട്. ഐറ്റം നമ്പർ ഡൻസുകളിലൂടെയും ഗ്ലാമർ വേഷങ്ങളിലൂടെയുമായിരുന്നു ജയമാലിനി കൂടുതൽ പ്രശസ്തയായത്.

1994-ൽ ജയമാലിനി വിവാഹിതയായി. പോലീസ് ഉദ്യോഗസ്ഥനായിരുന്ന പാർഥിപനെയായിരുന്നു വിവാഹം ചെയ്തത്. രണ്ടു പെൺകുട്ടികളും ഒരു ആൺകുട്ടിയുമാണ് അവർക്കുള്ളത്. ജയമാലിനി തന്റെ കുടുംബത്തോടൊപ്പം ചെന്നൈയിൽ താമസിയ്ക്കുന്നു.