താങ്കളുടെ നിർദ്ദേശങ്ങൾ അറിയിക്കൂ

കെ വി ജോസഫിന്റെ മകനായി കൊച്ചിയിൽ ജനിച്ചു. നാടക പ്രവർത്തനങ്ങളിലൂടെയാണ് ജേസി സിനിമയിലെത്തുന്നത്. 1965 -ൽ പി എ തോമസ് സംവിധാനം ചെയ്ത ഭൂമിയിലെ മാലാഖ എന്ന ചിത്രത്തിനുവേണ്ടി തിരക്കഥയും സംഭാഷണവും എഴുതികൊണ്ട് മലയാള ചലച്ചിത്ര മേഖലയിൽ പ്രവേശിച്ച അദ്ദേഹം ആ ചിത്രത്തിന്റെ സഹസംവിധായകനുമായി അതോടൊപ്പം ആ സിനിമയിൽ ഒരു വേഷം ചെയ്യുകയും ചെയ്തു.

തുടർന്ന് ഏഴു രാത്രികൾ, കള്ളിച്ചെല്ലമ്മ, നിഴലാട്ടം എന്നിവയുൾപ്പെടെ പതിഞ്ചോളം സിനിമകളിൽ അദ്ദേഹം അഭിനയിച്ചു. അഞ്ച് സിനിമകൾക്ക് ജേസി തിരക്കഥ, സംഭാഷണം എഴുതിയിട്ടുണ്ട്.1974 -ൽ ശാപമോക്ഷം എന്ന സിനിമ സംവിധാനം ചെയ്തുകൊണ്ട് ജേസി സംവിധാനരംഗത്ത് തുടക്കം കുറിച്ചു. തുടർന്ന് അശ്വതി, ചന്ദനച്ചോല, ഈറൻ സന്ധ്യ, പുറപ്പാട്, സരോവരം, സങ്കീർത്തനം പോലെ എന്നിവയുൾപ്പെടെ മുപ്പതിലധികം സിനിമകൾ സംവിധാനം ചെയ്തു.

2011 ഏപ്രിലിൽ ജേസി അന്തരിച്ചു.