ആഷിക് ഉസ്മാൻ

എറണാകുളം സ്വദേശിയായ ആഷിക് ഉസ്മാൻ എറണാകുളം സെവൻത് ഡേ അഡ്വെന്റിസ്റ്റ് ഹയർ സെക്കൻഡറി സ്കൂളിൽ നിന്നും തേവര സേക്രഡ് ഹാർട്ട് സ്കൂളിൽ നിന്നും പ്രാഥമിക വിദ്യാഭ്യാസം നേടി. തുടർന്ന് അദ്ദേഹം കൊച്ചി ശാസ്ത്ര സാങ്കേതിക സർവ്വകലാശാലയിൽ (CUSAT) നിന്ന് ബിരുദം നേടി. 1998 -ൽ ഒരു ബാലതാരമായി സിനിമാലോകത്തേക്ക് എത്തിയ അദ്ദേഹം പിന്നീട് നിർമ്മാണ രംഗത്തേക്ക് ശ്രദ്ധ കേന്ദ്രീകരിക്കുകയായിരുന്നു.

2012 -ൽ 'ആഷിഖ് ഉസ്മാൻ പ്രൊഡക്ഷൻസ്' എന്ന നിർമ്മാണ കമ്പനി ആരംഭിച്ച ആഷിക് ഉസ്മാൻ 2013 -ൽ പുറത്തിറങ്ങിയ അരികിൽ ഒരാൾ എന്ന ചിത്രത്തിലൂടെയാണ് സ്വതന്ത്ര നിർമ്മാതാവാകുന്നത്. തുടർന്ന് കലി, അള്ള് രാമേന്ദ്രൻ, അഞ്ചാം പാതിരാ, തല്ലുമാല... എന്നിവയുൾപ്പെടെ നിരൂപക പ്രശംസയും വാണിജ്യ വിജയവും നേടിയ നിരവധി ചിത്രങ്ങൾ അദ്ദേഹം മലയാളി പ്രേക്ഷകർക്ക് സമ്മാനിച്ചു.

ആഷിക് ഉസ്മാന്റെ ഭാര്യ ഖദീജ അഷറഫ്.