ആനി

ജോബിയുടേയും മറിയാമ്മയുടേയും മകളായി കോട്ടയം ജില്ലയിലെ തിരുവല്ലയിൽ ജനിച്ചു. ആനിയുടെ കുട്ടിക്കാലത്ത് തന്നെ അമ്മ മരിച്ചതിനാൽ ആനിയും സഹോദരിമാരും അച്ഛനോടൊപ്പം അച്ഛന്റെ ജോലി സ്ഥലമായ തിരുവനന്തപുരത്തേക്ക് താമസം മാറ്റി. തിരുവനന്തപുരം ഹോളി എയ്ഞ്ചൽസ് കോൺവെന്റ് സ്കൂളിലായിരുന്നു ആനിയുടെ പ്രാഥമിക വിദ്യാഭ്യാസം. അതിനുശേഷം ആൾ സെയിന്റ് കോളേജിൽ ബിരുദത്തിന് പഠിക്കുമ്പോളാണ് ആനി സിനിമയിലേക്കെത്തുന്നത്.

1993 -ൽ ബാലചന്ദ്ര മേനോൻ സംവിധാനം ചെയ്ത അമ്മയാണെ സത്യം എന്ന സിനിമയിൽ മുകേഷിന്റെ നായികയായാണ് ആനി സിനിമയിൽ തുടക്കം കുറിയ്ക്കുന്നത്. അതിനുശേഷം ഷാജി കൈലാസ് - സുരേഷ് ഗോപി ചിത്രമായ രുദ്രാക്ഷം -ത്തിൽ നായകിയായി. തുടർന്ന് കമൽ - മമ്മൂട്ടി ചിത്രമായ മഴയെത്തും മുൻ‌പേ ഉൾപ്പെടെ പതിഞ്ചോളം സിനിമകളിൽ നായികയായി അഭിനയിച്ചു. സംവിധായകൻ ഷാജി കൈലാസിനെ വിവാഹം ചെയ്തതിന് ശേഷം ആനി സിനിമാഭിനയ രംഗത്തു നിന്നും പിൻ‌വാങ്ങി. വിവാഹത്തിന് ശേഷം ഹിന്ദുമതത്തിലേക്ക് മാറിയ ആനി ചിത്ര എന്ന് പേര് സ്വീകരിച്കു. മഴയെത്തും മുൻപേയിലെ അഭിനയത്തിന് ആനിക്ക് മികച്ച നടിക്കുള്ള ഫല്ലിം ഫെയർ അവാർഡ് ലഭിച്ചിട്ടുണ്ട് വലിയൊരു ഇടവേളക്ക് ശേഷം ഷാജി കൈലാസ് സംവിധാനം ചെയ്ത എലോൺ എന്ന സിനിമയിൽ ശബ്ദം പകർന്നുകൊണ്ട് സിനിമാരംഗത്ത് തന്റെ സാന്നിധ്യം അറിയിച്ചു. സിനിമകൾ കൂടാതെ ടെലിവിഷൻ ചാനലുകളിൽ പല റിയാലിറ്റി ഷോകളിലും ഹോസ്റ്റായും ജഡ്ജായും ഇരുന്നിട്ടുണ്ട്.

ആനി - ഷാജി കൈലാസ് ദമ്പതികൾക്ക് മൂന്ന് ആൺ മക്കളാണുള്ളത്.