SCP-002 en sua area de conteni
Ojeto n: SCP-002
Clase de Ojeto: Euclide
Prosede Spesial de Conteni: A cada ves, on debe restada SCP-002 comutada a un fonte de potia conveninte; manteni lo en un state cual pare es un moda recargante. Per caso de rompe de eletrica, la parador urjente entre la ojeto e la laboreria debe es cluida e la area prosima debe es evacuada. A un ves cuando eletrica en la laboreria es recomensada, creves alternante de raio X e lumina ultravioleta debe flaxi en la area asta SCP-002 es reafisada a la fonte de potia e revade a moda recargante. On debe manteni la area conteni en presa de aira negativa a cada ves.
Ecipos incluinte un minima de du (2) membros es nesesada en 20 metres de SCP-002 o sua area de conteni. Empleadas debe manteni contata fisical con lunlotra en tota tempos per confirma ce on ave un otra person apareda, car persepi ta ce es desagida, apoiada o influeda par prosimia a la ojeto.
No empleadas su Nivel 3 es permeteda vade a SCP-002. On pote desprende esta esije con autoridia scriveda de du (2) dirijores de Nivel 4 estra la loca. Comandores-empleadas ci proclama un tal desprende debe es acompaniada a la min par sinco (5) Nivel 3 Securiors en cuando lor contata, e debe sede tempora lor titulo e autoridia de securia. Pos contata, comandores-empleadas va es escortada a la min 5 km a via de SCP-002 per esperia un isoli e evalua psicolojial en setedes (72) oras. Si la psicolojiste-empleada regarda los es conveninte per reveni a taxe, on pote restora la titulo e autoridia de securia cuando isoli desvalidi.
Descrive: SCP-002 sembla un masa tumorosa, carnosa ce ave aprosima 60 m3 (o 2000 ft3) de volum. Un valva de fero adere sur un pariete ce gida tra sua interna, cual pare es un aparte normal barata de grandia media. Un mur de la sala ave un fenetra unuple, an si poca abri es vidable de estra. La sala ave mobilas cual – sur esamina cauta – pare es osos scultada, pelos texeda, e otra sustantias biolojial cual es produida par la corpo umana. Tota materias analiseda asta aora mostra adn seguensas separada o fratida per cada ojetos en la sala.
Refere a la Mulhausen Reporta [interef:documento00.023.603] per detalias relatada a la descovre de la ojeto.
Refere: Asta aora, la sujeto es ja culpable per desapares de sete empleadas. En cuando lo es en la compleso, lo furni se con du lampas, un tapeto, un televisa, un radio, un cuxin de favas, tre libros de un lingua nonsabeda, cuatro juetas de enfantes, e un planta peti en un vaso. Probas, par multe animales de sienseria, incluinte primates alta, ia fali provoca cualce responde en SCP-002. Corpos mor ia fali ance a provoca cualce efeto. En cualce modo par cual la sujeto usa a converti materia organica en mobilas, lo es fasilida evidente mera par umanas vivente.
vista Mulhausen Reporta docid:00.023.603
Mulhausen Reporta [00.023.603]
Un reporta corta cual detalia la descovre de SCP-002 es seguente
La sujeto ia es trovada en un crater peti en Portugal norde do lo ia cade a tera de sua orbita. Encluida en un casca de roca densa, la esterna carnosa de la ojeto ia es esposada par la colide. Un cultivor nativa ia vide acaso la situa e ia reporta sua trova a la vea de vileta. La sujeto ia oteni SCP atende cuando un ajente de Nivel 4 ci ave sua posto en la area ia deteta un anomal peti, radioativa cual es jenerada par la ojeto.
Un ecipo per colie de SCP securiores, gida par Jeneral Mulhausen, ia es enviada instante a la area do los ia securi rapida la sujeto en un contenador grande e ia fa esamina inisial con probadas enscriveda de la vileta prosima. Tre omes ci ia es individua enviada en la strutur desapare a pos. Cuando on descovre esta cualia matante de la sujeto, Jeneral Mulhausen ia proclama un Comanda de Estingui de Nivel 4a a cualce atestores (1/3 de la vileta, aprosima) per garantia no sabe esterna ia ta esiste, e inisia sua transporta a SCP compleso [DATOS ELIMINADA].
Tra la prepara per transporta, cuatro SCP securiores ia es tirada nonesplicable a en la ojeto do los ia desapare ance. Pos esamina, lo pare como si la ojeto ia "crese" alga mobilas nova e ia es comensante a pare la interna de un sala de aparte. Jeneral Mulhausen ia comanda pronto la solisita de alga MATPER vestes de Clase III per la ecipores de securia resta, ci ia continua leva la contenador sur un barcon de carga espeta per transporta a la SCP compleso de conteni.
[DATOS ELIMINADA]
[DATOS ELIMINADA]
Pos la esecuta de Jeneral Mulhausen, SCP-002 ia es resecurida par SCP empleadas e traeda a en la conteni special en [SECRETA], do lo abita aora. Empleadas con autoridia su Nivel 3 ia es ja priva a asede la SCP-002 contenador sin aproba presedente de du empleadas de Nivel 4 a la min, pos la Mulhausen Aveni.
Cite this page as:
"SCP-002 (Lingua Franca Nova)" by La Autor Nonsabeda, from the SCP Wiki. Source: https://scpwiki.com/unofficial:lfn:scp-002. Licensed under CC BY-SA.
For information on how to use this component, see the License Box component. To read about licensing policy, see the Licensing Guide.
Nom de Fix: 800px-SCP002-new.jpg
Nom de Imaje: Leather ball, N/A, two brown steel wheeled airplane stairs on snow field during daytime
Autor: The Metropolitan Museum of Art, N/A, N/A
Lisensa: Domina Publica, CC0, CC0
Lias: Metropolitan, pxhere, peakpx