قوعام حاۋىپسىزدىگى ورگاندارى اۋىل شارۋاشىلىعىنا قاتىستى قىلمىستارعا ارناۋلى سوققى بەرۋ ارەكەتىندە كەزەڭدىك ىلگەرىلەۋشىلىككە قول جەتكىزدى

ءتىلشىنىڭ جۋىردا قوعام حاۋىپسىزدىگى مينيسترلىگىنەن ۇعىسۋىنشا، بيىل 9 – ايدىڭ سوڭىنا دەيىن، ەلىمىز بويىنشا قوعام حاۋىپسىزدىگى ورگاندارى اۋىل شارۋاشىلىعىنا پايدالاناتىن جەردى زاڭسىز يەمدەنىپ الۋ، قارا توپىراقتى جەر بايلىعىن ءبۇلدىرۋ قاتارلى قىلمىستىق ىستەرگە ساياتىن 4600 دەن استام دەلو، جالعان تۇقىم ءوندىرۋ جانە ساۋدالاۋ سىندى اۋىل شارۋاشىلىعىنا قاتىستى قىلمىستىق دەلولاردان 200 دەن استام دەلو بويىنشا دەلو تۇرعىزىپ، بارلاۋ جانە تەكسەرۋ جۇرگىزىپ، قاتاڭ شارالار ارقىلى ەگىستىك جەردى قورعاۋدىڭ قىزىل سىزىعىن شىنايى ساقتاپ، استىق ءوندىرۋ مەن قامداۋ جاعىندا قىزمەت وتەدى ءارى ونى قامتاماسىزداندىردى.

جۋىرداعى جىلداردان بەرى، قوعام حاۋىپسىزدىگى مينيسترلىگىنىڭ تالابىنا ساي، جەر – جەردەگى قوعام حاۋىپسىزدىگى ورگاندارى "كۇنلۇن" ارناۋلى ارەكەتىن، "التىن سامال" ارەكەتىن، ىشكى موڭعۇل – لياۋنيڭ – جيلين – حيلۇڭجياڭ ءتورت ولكە، اۆتونوميالى رايوندا قارا توپىراقتى جەر بايلىعىنا ساياتىن قىلمىستارعا سوققى بەرۋ جاعىنداعى وڭىرلىك بىرلەسكەن شايقاستى ۇزدىكسىز ۇيىمداستىرىپ ورىستەتىپ، قاتىستى تاراۋلارمەن بىرگە اۋىل شارۋاشىلىعىنا ساياتىن جالعان بۇيىمدارعا سوققى بەرۋ جانە ونى جونگە سالۋ ارناۋلى ارەكەتىن كۇش سالا ورىستەتىپ، اۋىل شارۋاشىلىعىنا پايدالاناتىن جەردى زاڭسىز يەمدەنىپ الۋ، قارا توپىراقتى جەر بايلىعىن ءبۇلدىرۋ قاتارلى اۋىل شارۋاشىلىعىنا ساياتىن قىلمىستارعا زاڭ بويىنشا قاتاڭ سوققى بەرىپ، جاقسى ناتيجەلەرگە قول جەتكىزدى.

قوعام حاۋىپسىزدىگى مينيسترلىگىنىڭ قورشاعان ورتا بايلىعىنا جانە ازىق – تۇلىككە، ءدارى – دارمەكتەرگە قاتىستى قىلمىستاردى بارلاۋ – تەكسەرۋ مەڭگەرمەسىنىڭ قاتىستى جاۋاپتىسى مىنانى ءبىلدىردى: قوعام حاۋىپسىزدىگى ورگاندارى استىق حاۋىپسىزدىگىنە زيان جەتكىزەتىن ءتۇرلى قىلمىستارعا قاتاڭ سوققى بەرىپ، مەملەكەتتىڭ استىق حاۋىپسىزدىگىنە اناعۇرلىم جوعارى ورەدە كەپىلدىك ەتەدى. سونىمەن بىرگە، قوعام حاۋىپسىزدىگى ورگاندارى بارشا جۇرتشىلىققا مىنانى ەسكەرتەدى: ەگەر اۋىل شارۋاشىلىعىنا پايدالاناتىن جەردى زاڭسىز يەمدەنىپ الۋ، قارا توپىراقتى جەر بايلىعىن ءبۇلدىرۋ، سونداي – اق، جالعان – جارامسىز اۋىل شارۋاشىلىعى قۇرال – جابدىقتارىن جاساۋ – ساتۋ قاتارلى قىلمىستىق ىستەردىڭ دەرەكتەرىن بايقاساڭىزدار، قوعام حاۋىپسىزدىگى مينيسترلىگىنىڭ "مەملەكەتتىك قورشاعان ورتا بايلىعىنا جانە ازىق – تۇلىككە، ءدارى – دارمەككە قاتىستى قىلمىستىق ىستەردىڭ دەرەگىن اشكەرەلەۋ تەكشەسى" ارقىلى دەر كەزىندە اشكەرەلەڭىزدەر.

كەلۋ قاينارى: حالىق تورابى