دۇنيە جۇزىلىك دەنساۋلىق ساقتاۋ ۇيىمى تەمەكىنىڭ جاعدايى تۋرالى مالىمەتتى جاريالادى

شينحۋا اگەنتتىگىنىڭ ءتىلشىسى ۋاڭ لۋ جەنەۆادان حابارلايدى. دۇنيە جۇزىلىك دەنساۋلىق ساقتاۋ ۇيىمى جەرگىلىكتى ۋاقىت بويىنشا 10 – ايدىڭ 6 – كۇنى جاريالاعان تەمەكىنىڭ جاعدايى تۋرالى ەڭ جاڭا مالىمەتكە قاراعاندا، دۇنيە ءجۇزى بويىنشا تەمەكى شەگەتىندەردىڭ سانى ازايۋدا، الايدا، تەمەكىنىڭ زالالىنان قۇتىلۋعا ءالى ەرتە. تەمەكىگە قۇمارتۋدىڭ شىرماۋىنان شىعا الماۋ ءالى دە دۇنيە جۇزىندەگى ەرەسەكتەردىڭ بەستەن ءبىرىن مازالاپ، ءار جىلى ميلليونداعان ادام ءاسىلى الدىن الۋعا بولاتىن ولىمگە دۋشار بولۋدا. سونىمەن بىرگە، ەلەكتروندىق تەمەكىگە قۇمارتۋ جاعدايى دا جاڭادان ءورشىپ كەلەدى، باقىلاۋ – باسقارۋدى كۇشەيتكەن ءجون.

دۇنيە جۇزىلىك دەنساۋلىق ساقتاۋ ۇيىمىنىڭ ءتوراعاسى تەدروس بىلاي دەدى: دۇنيە جۇزىندەگى ءارقايسى ەلدەردىڭ تەمەكىنى تەجەۋ جاعىندا قۇلشىنۋىنا بايلانىستى، ميلليونداعان ادامدار تەمەكى تاستاۋعا تىرىسۋدا نەمەسە تەمەكىنى مۇلدە تاستاعان، الايدا، تەمەكى شارۋاشىلىعى سالاسىنداعىلار جاڭا تيپتى نيكوتيندى ونىمدەردى شىعارىپ، جاستاردى نىساناعا الۋدا.

وسى مالىمەتتە تۇڭعىش رەت دۇنيە جۇزىندەگى ەلەكتروندىق تەمەكىدەن پايدالانۋ جاعدايى جونىندە ساراپتاما جاسالعان، قاتىستى ساندى مالىمەتتەر جان تۇرشىكتىرەدى: قازىر دۇنيە ءجۇزى بويىنشا ەلەكتروندىق تەمەكىدەن پايدالاناتىنداردىڭ سانى ءجۇز ميلليون ادامنان اسقان، مۇنىڭ ىشىندە كەمىندە ەرەسەكتەردەن كەمىندە 86 ميلليون ادام، سونداي – اق، 13 جاستان 15 جاسقا دەيىنگى ارالىقتاعى جاستار مەن ورەندەردەن شامامەن 15 ميلليوننان استام ادام قامتىلعان.

دۇنيە جۇزىلىك دەنساۋلىق ساقتاۋ ۇيىمىنىڭ ايتۋىنشا، تەمەكى شارۋاشىلىعى ءداستۇرلى تەمەكىلەردەن سىرت، ەلەكتروندىق تەمەكى، نيكوتين قالتاسى قاتارلى ونىمدەر ارقىلى ادامداردى تەمەكىگە قۇمارتۋعا جەتەلەۋدە. مۇنداي ونىمدەردىڭ بارلىعى دەنساۋلىققا، وتە – موتە، جاستار مەن ورەندەردىڭ دەنساۋلىعىنا زيان جەتكىزەدى.

دۇنيە جۇزىلىك دەنساۋلىق ساقتاۋ ۇيىمى ءار ەل ۇكىمەتىن تەمەكىنى تەجەۋدى كۇشەيتۋگە، «دۇنيە جۇزىلىك دەنساۋلىق ساقتاۋ ۇيىمىنىڭ تەمەكىنى تەجەۋ سۇلبالىق شارتىن» جالپى بەتتىك اتقارۋعا، ولقىلىقتاردى تولىقتاپ، تەمەكىنىڭ جاستار مەن ورەندەردى ازدىرۋىنان ساقتانۋعا، ەلەكتروندىق تەمەكى قاتارلى جاڭا تيپتى نيكوتيندى ونىمدەردى باقىلاۋ – باسقارۋدى كۇشەيتۋگە قۋزايدى.

كەلۋ قاينارى: حالىق تورابى