التى ءتۇرلى جاعدايدا ماس بولىپ اۆتوموبيل جۇرگىزۋ قىلمىسىن وتكىزگەندەردى زاڭ بويىنشا اۋىر جازالايدى

جۇڭگو جۇمىسشىلار گازەتىنىڭ ءتىلشىسى لۋ يۋە حابارلايدى. ءتىلشىنىڭ 9 – ايدىڭ 28 – كۇنى ەڭ جوعارى حالىق پروكۋراتۋراسىنان ۇعىسۋىنشا، مەملەكەت مەرەكەسى مەن ورتاڭعى كۇز مەرەكەسى سىندى قوس مەرەكە كەلۋ قارساڭىندا، ەڭ جوعارى حالىق پروكۋراتۋراسى ماس بولىپ اۆتوموبيل جۇرگىزۋگە قاتىستى التى مىسال دەلونى جاريالاپ، دەلونى مىسالعا كەلتىرۋ ارقىلى زاڭدى تۇسىندىرگەن. بۇل توپتاعى مىسال دەلولارداعى التى ءتۇرلى جاعدايدا ماس بولىپ اۆتوموبيل جۇرگىزۋشىلەردىڭ زاڭ بويىنشا اۋىر جازالاناتىنىن ايقىن تۇراقتاندىرىپ، جۇرتشىلىقتىڭ تانىمدىق تۇرعىدان ەسكەرمەي كەلگەن تۇستارىن اناعۇرلىم ايقىن كورسەتىپ، قوعامداعى جۇرتشىلىقتىڭ ماس بولىپ اۆتوموبيل جۇرگىزۋ ارەكەتىن وتكىزۋشىلەر زاڭدىق جاقتان ارقالايتىن زارداپقا بولعان تانىمىن جوعارىلاتىپ، ماس بولىپ اۆتوموبيل جۇرگىزۋ قىلمىسىنىڭ تۋىلۋىنان قاينارىنان باستاپ ساقتاندى.

ەڭ جوعارى حالىق پروكۋراتۋراسى جاي قىلمىستار پروكۋراتۋرا مەڭگەرمەسىنىڭ جاۋاپتىسى مىنانى ءبىلدىردى: 2023 – جىلى ەڭ جوعارى حالىق سوتى، ەڭ جوعارى حالىق پروكۋراتۋراسى، قوعام حاۋىپسىزدىگى مينيسترلىگى، ءادىليا مينيسترلىگى بىرگە «ماس بولىپ قاتەرلى تۇردە اۆتوموبيل جۇرگىزۋگە قاتىستى قىلمىستىق ىستەر دەلوسىن ءبىر جاقتى ەتۋ جونىندەگى پىكىردى» ورتاعا قويىپ، زاڭ اتقارۋ جانە ءادىليا جاعىنداعى ولشەمدى بىرلىككە كەلتىرگەن، جەر – جەر زاڭدى قاتاڭ اتقارىپ، ءادىليادا ءادىل بولىپ، كەڭشىلىك جاساۋ مەن قاتاڭ ءبىر جاقتى ەتۋدى ۇشتاستىرعان قىلمىستىق ىستەر ساياساتىن تولىق، جان – جاقتى، دۇرىس دايەكتىلەندىرىپ، اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ زاڭعا قايشى قىلمىستىق ارەكەتىن وتكىزۋشىلەردى زاڭ بويىنشا قاتاڭ جازالاپ، حالىق جۇرتشىلىعىنىڭ زاڭعا بويسۇنۋ تانىمى كۇشەيتىلگەن، ماس بولىپ اۆتوموبيل جۇرگىزۋ قىلمىستىق دەلوسىنىڭ تۋىلۋ مولشەرى، وسىعان قاتىستى ارىزدانۋ مولشەرى زور مولشەردە تومەندەگەن، تاس جولداعى قاتىناس حاۋىپسىزدىگىنىڭ جاعدايى ۇزدىكسىز جاقسارعان.

سونىمەن بىرگە، كەيبىر شوفەرلەردىڭ زاڭ مەن جاڭا بەلگىلەمەلەرگە بولعان تۇسىنىگى كەمشىل، كەيبىر شوفەرلەردىڭ زاڭعا بويسۇنۋ تانىمى تاياز، باعىن سىناۋ پسيحيكاسى باسىم، زاڭعا ادەيى قايشىلىق جاسايدى، ماس بولىپ اۆتوموبيل جۇرگىزۋ دەلوسى ءالى دە ءجيى تۋىلۋدا. وسى توپتاعى مىسال دەلولاردى جاريالاۋ ارقىلى بارشا شوفەرلەردى ماس بولىپ اۆتوموبيل جۇرگىزۋدىڭ اۋىر زاردابى مەن زاڭدىق جاۋاپكەرشىلىگى تۋرالى تانىمىن اناعۇرلىم تەرەڭدەتۋگە، اراق ءىشىپ اۆتوموبيل جۇرگىزۋ ارەكەتىن باتىل تەجەۋگە، حاۋىپسىز، ءتارتىپتى، وركەنيەتتى تاس جول قاتىناسى ورتاسىن بىرگە جاراتۋعا جەتەلەۋدى ءۇمىت ەتەمىز.

كەلۋ قاينارى: حالىق تورابى