شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى التىن، كۇمىس ەستەلىك اقشاسى تاراتىلدى

انار بۇلت \ شينجياڭ گازەتىنىڭ ءتىلشىسى گو ليڭ 9 ـ ايدىڭ 19 ـ كۇنى ۇرىمجىدەن حابارلايدى. 9 ـ ايدىڭ 19 ـ كۇنى شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى التىن، كۇمىس ەستەلىك اقشاسىن تاراتۋ سالتى ۇرىمجىدە وتكىزىلدى. اۆتونوميالى رايوندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ەلزات احمەتجان قيمىلعا قاتىناستى ءارى ءسوز سويلەدى.

بيىل — شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى، اۆتونوميالى رايون قۇرىلعاندىعىنىڭ 70 جىلدىعىن نەگىزگى تاقىرىپ ەتكەن مەملەكەت زاڭىندا بەلگىلەنگەن التىن، كۇمىس ەستەلىك اقشاسىن تاراتۋ — باس شۋجي شي جينپيڭ مەن پارتيا ورتالىق كوميتەتىنىڭ شينجياڭعا ەرەكشە قامقورلىعىنىڭ تىكەلەي بەينەسى، ول پارتيا باسشىلىعىنىڭ ساياسي ارتىقشىلىعىن، جۇڭگوشا سوتسياليزمنىڭ تۇزىمدىك ارتىقشىلىعىن جانە ۇلت ماسەلەسىن شەشۋدىڭ جۇڭگوشا دۇرىس جولىنىڭ وراسان زور ابزالدىلىعىن تولىق ايگىلەدى.

تاراتۋ سالتىندا شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى التىن، كۇمىس ەستەلىك اقشاسىن تاراتۋ حابارلاندىرۋى وقىلدى، التىن، كۇمىس ەستەلىك اقشاسىنىڭ تاراتىلۋ ولشەمى، اقشا بەتىندەگى ەلەمەنتتەر، ماتەريال ساپاسى تەحنولوگياسى، ساتۋ ارناسى سياقتى ينفورماتسيالار ەگجەي ـ تەگجەيلى تانىستىرىلدى ءارى التىن، كۇمىس ەستەلىك اقشاسىنىڭ بەتى اشىلدى. سونىمەن بىرگە جۇڭگو جينبي توبى شەكتى سەرىكتەستىگى اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلى دايىندىق قىزمەتى باسشىلىق گرۋپپاسىنا ءبىر پار التىن، كۇمىس ەستەلىك اقشا تارتۋ ەتتى، اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلى دايىندىق قىزمەتى باسشىلىق گرۋپپاسى قارىمجى رەتىندە جيناپ ـ ساقتاۋ كۋالىگىن تارتۋ ەتتى.

شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى التىن، كۇمىس ەستەلىك اقشاسى ءبىر پار، جالپى 2 تال، مۇنىڭ بىرەۋى التىن ەستەلىك اقشا، بىرەۋى كۇمىس ەستەلىك اقشا، اربىرەۋى ەڭ كوپ بولعاندا، جەكە ـ جەكە 10 مىڭ دانا، 20 مىڭ دانا تاراتىلادى، ەكەۋى دە جۇڭحۋا حالىق رەسپۋبليكاسىنىڭ زاڭدا بەلگىلەنگەن اقشاسى. ەستەلىك اقشانىڭ وڭ بەتىنە جۇڭحۋا حالىق رەسپۋبليكاسىنىڭ مەملەكەت گەربى ءارى مەملەكەت اتى، جىل ءنومىرى باسىلعان؛ ارتقى بەتىنە شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن قۇتتىقتاۋ قيمىلى بەلگىسى باسىلعان، قوسىمشا انار گۇلى، جۋانساۋۋىن ورنەگى اشەكەيى بىرىككەن جوباسى قوسىمشا ەتىلگەن ءارى مەملەكەتتە ءبىر تۇتاس قولدانىلاتىن ءتىل ـ جازۋدا، ۇيعۇر جازۋىندا "شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى" دەگەن جازۋ جانە اقشانىڭ قۇنى باسىلعان.