باس بەت |
شي جينپيڭ حابارلارى |
ماڭىزدى حابارلار |
شولۋ-نازاريا |
ەل ءىشى |
شينجياڭ |
حالىقارا |
قوعام |
ەكونوميكا |
مادەنيەت |
وقۋ-اعارتۋ |
زاڭ-ءتۇزىم |
عىلىم-تەحنيكا |
تۇرمىس |
دەنە تاربيە |
2025年09月16日 15:19 كەلۋ قاينارى : حالىق تورابى
ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (9 – ايدىڭ 15 – كۇنىنەن 21 – كۇنىنە دەيىن) بۇكىل شينجياڭدا ەكى رەت جاۋىن – شاشىن بولادى، سولتۇستىك شينجياڭ مەن شىعىس شينجياڭدا تەمپەراتۋرا 5 سەلتسي گرادۋس اينالاسىندا تومەندەيدى، ءۇرىمجى قالاسىنىڭ قالا رايونىندا ەرتەلى ـ كەش تەمپەراتۋرا پارقى 10 سەلتسي گرادۋستان اسادى، ءىشىنارا وڭىرلەردە بوران نەمەسە قۇمدى بوران سوعادى. شينجياڭ اۋا رايى ستانسياسى مىنانى ەسكەرتتى: جاۋىن – شاشىن مەن تەمپەراتۋرانىڭ تومەندەۋىنىڭ ساياحاتقا، قاتىناسقا جانە ەگىن، مال شارۋاشىلىق وندىرىسىنە جاسايتىن ءتيىمسىز ىقپالىنان ساقتانۋ كەرەك.
الدىن الا مالىمەتتە كورسەتىلۋىنشە، العاشقى رەتكى جاۋىن ـ شاشىن 9 – ايدىڭ 16 – كۇنى كۇندىزدەن 18 – كۇنى تۇنگە دەيىن بولادى، ىقپال كولەمى سولتۇستىك شينجياڭنىڭ باتىس سولتۇستىك بولەگى، شىحىزى قالاسى، ءۇرىمجى قالاسىنىڭ تاۋلى رايونى، سانجى حۇيزۋ اۆتونوميالى وبلىسىنىڭ تاۋلى رايونى، سونداي ـ اق وڭتۇستىك شينجياڭنىڭ باتىس بولەگىندەگى تاۋلى رايون، اقسۋ ايماعى قاتارلى جەرلەردى قامتيدى. جوعارىدا ايتىلعان وڭىرلەردىڭ ءىشىنارا جەرلەرىندە سەبەزگى جاڭبىر جاۋادى، ورتا، بيىك تاۋلى وڭىرلەردە قار جاۋادى، ءىشىنارا وڭىرلەردە ورتاشادان باستاپ قالىڭ جاڭبىر نەمەسە نوسەر جاۋادى.
9 ـ ايدىڭ 19 ـ كۇنى كۇندىزدەن 21 ـ كۇنى تۇنگە دەيىن، ىلە – شالا ەكىنشى رەتكى جاۋىن – شاشىن بولادى، مۇندا سولتۇستىك شينجياڭنىڭ باسىم كوپ بولەگى، وڭتۇستىك شينجياڭنىڭ باتىس بولەگىندەگى تاۋلى وڭىرلەر، اقسۋ ايماعىنىڭ تاۋلى وڭىرلەرى، تۇرپان قالاسىنىڭ تاۋلى وڭىرلەرى، قۇمىل قالاسى قاتارلى جەرلەر ىقپالعا ۇشىرايدى. ءىشىنارا وڭىرلەردە سەبەزگى جاڭبىر جاۋادى، ىلە اڭعارى، بۇراتالا موڭعۇل اۆتونوميالى وبلىسى، تارباعاتاي ايماعى، التاي ايماعى قاتارلى وڭىرلەردىڭ ءىشىنارا جەرلەرىندە ورتاشادان باستاپ قالىڭ جاڭبىرعا دەيىن جاۋادى، ءىشىنارا جەرلەردە نوسەر نەمەسە قالىڭ قار جاۋادى. وسى رەتكى جاۋىن - شاشىن مەزگىلىندە سولتۇستىك شينجياڭ مەن شىعىس شينجياڭنىڭ باسىم كوپ بولەگىنىڭ تەمپەراتۋراسى شامامەن 5 سەلتسي گرادۋس تومەندەيدى.
كەلۋ قاينارى: حالىق تورابى