باس بەت |
شي جينپيڭ حابارلارى |
ماڭىزدى حابارلار |
شولۋ-نازاريا |
ەل ءىشى |
شينجياڭ |
حالىقارا |
قوعام |
ەكونوميكا |
مادەنيەت |
وقۋ-اعارتۋ |
زاڭ-ءتۇزىم |
عىلىم-تەحنيكا |
تۇرمىس |
دەنە تاربيە |
2025年09月10日 15:51 كەلۋ قاينارى : حالىق تورابى
ورتالىق تەلەۆيزيا تورابى حابارلايدى: جۋىردا بازاردى باقىلاۋ – باسقارۋ باس مەڭگەرمەسى جەڭىل تاعام دەپ ۇگىتتەلگەن سالات، دەنە شىنىقتىرۋشىلارعا ارنالعان تاماق، ماي قۇرامى از نەمەسە ماي قۇرامى ازايتىلعان تاعامدار قاتارلى ونىمدەرگە، سونداي – اق، سيىر ەتى، تاۋىق ەتى، جۇمىرتقا، سۋ شاياندارى، شيلانحۋا، الما قاتارلى جەڭىل تاعامدارعا ۇنەمى قولدانىلاتىن شيكىزاتتارعا ارناۋلى ۇلگى الىپ تەكسەرۋ جۇرگىزىپ، بارشا تۇتىنۋشىلار كوڭىل ءبولىپ وتىرعان ميكرو ورگانيزمدەرمەن لاستانۋ، ازىق – تۇلىك قوسپاسىن الباتى پايدالانۋ، اۋىل شارۋاشىلىعى جانە مال شارۋاشىلىعى دارىلەرىنىڭ قالدىقتارى مەن زاڭسىز قوسپا قوسۋ قاتارلى كومەسكى قاتەرلەردى ءتۇيىندى تۇردە ءبىر – بىرلەپ تەكسەرگەن. وسى رەتكى ارناۋلى ۇلگى الىپ تەكسەرۋ ينتەرنەت ارقىلى جانە ينتەرنەتتەن تىس ورىستەتىلىپ، مانۋەي جەڭىل تاعامدارى، شيزان جەڭىل تاعامدارى قاتارلى 30 نەشە اس – سۋ دۇكەنىن، سونداي – اق، شانمۋ، حىما، يۇڭحۇي، لوسىن قاتارلى 11 جەلىلەس ەرەنبازار مەن قولايلى دۇكەندى قامتىپ، 105 توپتاعى (رەت) ونىمگە ۇلگى الىپ تەكسەرۋ جۇرگىزگەن.
ۇلگى الىپ تەكسەرۋ جۇرگىزۋ ناتيجەسىنە قاراعاندا، جەڭىل تاعامداردان شىرۋدەن ساقتاندىرعىش نەمەسە دامدەندىرگىش تۇرىندەگى ازىق – تۇلىك قوسپاسى مەن ارىقتاتقىش تۇرىندەگى زاڭسىز قوسپا بايقالماعان، جەڭىل تاعامداردىڭ ماتەريالدارىنىڭ قۇرامىنداعى اۋىل شارۋاشىلىعى جانە مال شارۋاشىلىعى ءدارى – دارمەكتەرىنىڭ قالدىقتارىنىڭ شەكتەن اسۋى سىندى جاعداي بايقالماعان. ۇلگى الىپ تەكسەرۋ جۇرگىزۋدە مىنالار بايقالعان: شاڭحايداعى ءمالىم ەرەنبازار ساتقان ءبىر توپتاعى (رەت) الدىن الا قوراپتالعان "تسەزار سالاتىنان" اۋرۋ قوزدىرعىش باكتەريا سانالاتىن ءبىر دانەكتى كلەتكانى ارتتىراتىن ليستەر باكتەرياسى انىقتالعان، شيكىزاتتىڭ لاستانۋى، مانەرلەۋ بارىسىندا اۋىسىپ لاستانۋ قاتارلى سەبەپتەردەن تۋىلعان بولۋى مۇمكىن. بەيجيڭدەگى ءمالىم ەرەنبازار ساتقان ءبىر توپتاعى (رەت) الدىن الا قوراپتالعان "تۋنەتس بالىعى جانە كارتوپ قويمالجىڭى" ونىمىندە جۋان ىشەك باكتەريالار توبى ولشەمنەن اسقان، شيكىزاتىنىڭ لاستانۋى، تازالىق ورتاسى، اسپاپتار، قىزمەتكەرلەر، ساقتاۋ – تاسىمالداۋ قاتارلى شارتتارى ولشەمگە تولماۋى سەبەبىنەن تۋىلعان بولۋى مۇمكىن.
وسى رەتكى ۇلگى الىپ تەكسەرۋ بارىسىندا بايقالعان تولىمسىز ونىمدەرگە بايلانىستى بازاردى باقىلاۋ – باسقارۋ باس مەڭگەرمەسى سول جەردەگى بازاردى باقىلاۋ – باسقارۋ تاراۋلارىن انىقتاپ ءبىر جاقتى ەتۋگە، ازىق – تۇلىك وندىرەتىن جانە تيجارات ەتەتىن نەگىزگى تۇلعالاردىڭ جاۋاپكەرشىلىگىن ناقتىلاندىرۋعا، ازىق – تۇلىك حاۋىپسىزدىگىنە ساياتىن قاتەرلەردى قاتاڭ مەڭگەرۋگە قۋزاعان.
كەلۋ قاينارى: حالىق تورابى