دۇنيە جۇزىلىك اۋا رايى ۇيىمى: لانينا قۇبىلىسى 9 – ايدا قايتىپ ورالۋى مۇمكىن

شينحۋا اگەنتتىگىنىڭ ءتىلشىسى ۋاڭ لۋ 9 – ايدىڭ 3 – كۇنى جەنەۆادان حابارلايدى. دۇنيە جۇزىلىك اۋا رايى ۇيىمى 9 – ايدىڭ 2 – كۇنى ەلنينو \ لانينا قۇبىلىسىنىڭ تۋىلۋى تۋرالى ەڭ جاڭا حابارلاندىرۋدى شىعارعان، لانينا قۇبىلىسى بيىل 9 – ايدان باستاپ قايتىپ ورالۋى ءارى الداعى بىرنەشە ايدا دۇنيە ءجۇزىنىڭ اۋا رايى مەن كليمات جاعدايىنا ىقپال جاساۋى مۇمكىن. الايدا، لانينا قۇبىلىسىنا بايلانىستى تەمپەراتۋرا ۋاقىتشا تومەندەۋى ىقتيمال بولسا دا، دۇنيە جۇزىندەگى كوپتەگەن وڭىرلەردە اۋا تەمپەراتۋراسى سوندا دا ورتاشا ورەدەن جوعارى بولۋى مۇمكىن.

اۋا رايى ۇيىمىنىڭ تانىستىرۋىنشا، 2025 – جىلى 3 – ايدان بەرى، بەيتاراپ شارت – جاعداي (ەلنينو قۇبىلىسىنا دا، لانينا قۇبىلىسىنا دا جاتپايتىن جاعداي) جالعاستى. الايدا، لانينا قۇبىلىسى 9 – ايدا باستالۋى ءارى الداعى بىرنەشە اي بويى جارىققا شىعۋى مۇمكىن. 9 – ايدان 12 – ايعا دەيىن، ەلنينو قۇبىلىسىنىڭ تۋىلۋ ىقتيمالدىعى وتە تومەن.

لانينا قۇبىلىسى كوپتەگەن جەرلەردە قايتىپ ورالۋى مۇمكىن بولسا دا، حابارلاندىرۋدا اتاپ كورسەتىلۋىنشە، 9 – ايدان 11 – ايعا دەيىن، سولتۇستىك جارتى شارداعى كوپتەگەن جەرلەردە جانە وڭتۇستىك جارتى شاردىڭ وتە كوپ بولەگىندە اۋا تەمپەراتۋراسى ورتاشا ورەدەن جوعارى بولۋى ىقتيمال.

لانينا قۇبىلىسى دەگەنىمىز ەكۆاتورداعى تىنىق مۇحيتتىڭ شىعىس بولەگى مەن ورتا بولەگىندەگى تەڭىز سۋىنىڭ كەڭ كولەمدى ۇزدىكسىز قالىپسىز سۋىتۋى سىندى قۇبىلىستى كورسەتەدى، ال، ەلنينو قۇبىلىسى دەگەنىمىز تىنىق مۇحيتتىڭ ەكۆاتورداعى ايدىنىنىڭ كەڭ كولەمدە ۇزدىكسىز قالىپسىز جىلىنۋى سىندى قۇبىلىستى كورسەتەدى.

كەلۋ قاينارى: حالىق تورابى