بيىل كوزدەگى شينجياڭنىڭ كليمات بەتالىسى مەجەلەندى

شينجياڭ اۋا رايى مەكەمەسى ۋيچات الەۋمەتتىك تەكشەسىنىڭ حابارىنا قاراعاندا، 8 – ايدىڭ 28 –كۇنى، شينجياڭ ۇيعۇر اۆتونوميالى رايوندىق كليمات ورتالىعى 2025 ـ جىلعى كۇزگى شينجياڭنىڭ كليمات بەتالىسىن مەجەلەۋ مازمۇنداماسىن جاريالاعان، مەجەمەن بيىل كۇزدە (9 – ايدان 11 – ايعا دەيىن) شينجياڭدا سۋىق اۋانىڭ اسەرى ءبىرشاما مول بولادى.

مازمۇندامادا كورسەتىلۋىنشە، 2025 – جىلى كۇزدە بۇكىل شينجياڭنىڭ تەمپەراتۋراسى ءبىرشاما جوعارى بولادى. التاي ايماعى مەن قۇمىل قالاسىنىڭ سولتۇستىگىندەگى ورتاشا اۋا تەمپەراتۋراسى بۇرىنعى جىلدارداعىدان 0.4 تە 0.7 سەلتسي گرادۋس تومەن بولادى، تارباعاتاي ايماعى، بۇراتالا وبلىسى، ىلە وبلىسى، قارامايلى قالاسى، شىحىزى قالاسى، ءۇرىمجى قالاسى، سانجى وبلىسى، بايىنعولىن وبلىسىنىڭ سولتۇستىگى، تۇرپان قالاسى، اقسۋ ايماعى، قىزىلسۋ قىرعىز اۆتونوميالى وبلىسى، قاشقار ايماعى، حوتان ايماعىندا 0.3 تە 0.7 سەلتسي گرادۋس جوعارى بولادى، قۇمىل قالاسىنىڭ وڭتۇستىگى مەن بايىنعولىن وبلىسىنىڭ وڭتۇستىگىندە تەمپەراتۋرا 1.1 دە 1.2 سەلتسي گرادۋس جوعارى بولادى.

جاۋىن - شاشىن جاعىندا، مەجەمەن كۇز ماۋسىمىندا بۇكىل شينجياڭنىڭ باسىم كوپ ساندى جەرىندە بۇرىنعى جىلدارداعىدان 2 دە 6 پايىز از بولادى، قۇمىل قالاسىنىڭ سولتۇستىگىندەگى، قىزىلسۋ قىرعىز اۆتونوميالى وبلىسىنىڭ، قاشقاردىڭ وڭتۇستىگىندەگى تاۋلى رايونداردا 1 دە 3 پايىز كوپ بولادى.

بيىل كۇزدە شينجياڭدا سۋىق اعىس كوبىرەك بولاتىندىعى مەجەلەنۋدە، مۇندا سولتۇستىك شينجياڭنىڭ التاي ايماعى، تارباعاتاي ايماعى قاتارلى جەرلەرىندە سۋىق اعىستىڭ تۋىلۋ مۇمكىندىگى ءبىرشاما زور بولاتىندىعى مەجەلەنىپ وتىر، تومەن تەمپەراتۋرالى اۋا رايىنىڭ ەگىن، ورمان، مال شارۋاشىلىعى جانە قاتىناس قاتارلىلارعا جاسايتىن ءتيىمسىز ىقپالىنان ساقتانىپ، ساقتانۋ دايىندىعىن ويداعىداي ىستەۋ كەرەك.

كەلۋ قاينارى: حالىق تورابى