جۇمىسقا قابىلداۋ ارناۋلى قيمىلى مەن جۇمىستاندىرۋعا قاتىستى ساياساتتاردى ۇگىتتەۋ ايى قيمىلى باستالدى

حالىق گازەتىنىڭ ءتىلشىسى چيۋ چاۋ – ي 9 – ايدىڭ 9 – كۇنى بەيجيڭنەن حابارلايدى. ءتىلشىنىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، 9 – ايدىڭ 9 – كۇنى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەن ونەركاسىپ جانە ينفورماتسيالاندىرۋ مينيسترلىگى، مەملەكەتتىك ونەركاسىپشىلەر مەن ساۋداگەرلەر بىرلەستىگى، جۇڭگو ساۋدانى ىلگەرىلەتۋ قوعامى بەيجيڭ قالاسىندا جۇمىسقا قابىلداۋ ارناۋلى قيمىلى جانە جۇمىستاندىرۋعا قاتىستى ساياساتتاردى ۇگىتتەۋ ايى قيمىلىنىڭ باستالۋ سالتىن وتكىزدى.

جۇمىسقا قابىلداۋ ارناۋلى قيمىلى 9 – ايدان 10 – ايعا دەيىن شوعىرلى ورىستەتىلەدى. قيمىل بارىسىندا سىرتقى ساۋدانىڭ قاۋىرت كەزى مەن جۇمىستاندىرۋدىڭ قاۋىرت كەزىن مىقتى يگەرىپ، 60 نەشە ءتۇيىندى قالاعا، سىرتقى ساۋدا سالاسىنداعى كاسىپورىنداردىڭ جۇمىسشى ىستەتۋ قاجەتىنە، ەڭبەكشىلەردىڭ جۇمىس ورنىن اۋىستىرۋ قاجەتىنە جانە ءتۇيىندى توپتاردىڭ جۇمىستانۋ قاجەتىنە نازاردى شوعىرلاندىرىپ، بىرلەسىپ جۇمىسقا قابىلداۋ، ارناۋلى تۇردە جۇمىسقا قابىلداۋ، ارالاپ ءجۇرىپ جۇمىسقا قابىلداۋ، كەشكى بازاردا جۇمىسقا قابىلداۋ قاتارلى ءتۇرلى فورمالاردى قولدانىپ، كوشەلەر مەن ساۋدا سارايلارى، كاسىپ سالاسىندىق باقشا رايوندارى، قاتىناس تۇيىندەرى قاتارلى ورىندار جەرگىلىكتى ورىننىڭ جاعدايىنا قاراي جۇمىسقا قابىلداۋ قيمىلىن ورىستەتىپ، جۇمىستاندىرۋ جاعىندا "ءبىر بەكەتتىك" قىزمەت وتەيدى.

جۇمىستاندىرۋ ساياساتىن ۇگىتتەۋ ايى 9 – ايدان باستاپ ەلىمىز كولەمىندە ورىستەتىلەدى. قيمىل بارىسىندا جۇمىستاندىرۋ جاعىنداعى ساياساتتاردى ۇگىتتەۋدى "باقشا رايونىنا جەتكىزۋ"، "كاسىپورىندارعا جەتكىزۋ"، "مەكتەپ اۋلاسىنا جەتكىزۋ"، "الەۋمەتتىك اۋماققا جەتكىزۋ" قىزمەتى ۇيىمداستىرىلىپ، ساياساتتى انىق تۇسىندىرەدى، تولىق تۇسىندىرەدى. مۇنان سىرت، ساياساتتىق قىزمەت وتەۋ تۇرلەرى جالپىلاستىرىلىپ، جۇمىستانۋ جانە شارۋاشىلىق قۇرۋ، قوعامدىق قامسىزداندىرۋ، ۇقىق – مۇددەگە كەپىلدىك ەتۋ قاتارلى جاقتاردا جۇيەلى دە شوعىرلى تۇردە قىزمەت وتەيدى. اقپاراتتىق ۇگىتتەۋ شەبىن قالىپتاستىرىپ، ساياساتتى ۇگىتتەۋ جاعىندا قامتۋ كولەمى كەڭ، ۇزاق مەرزىمدىك ءونىمدى، ءۇزىلىسسىز مەحانيزمدى قالىپتاستىرىپ، ساياساتتى ءبىلۋ مولشەرىن جوعارىلاتادى.

كەلۋ قاينارى: حالىق تورابى