ۇكىمەت ورىندارى جاريالادى! مايتاۋ – كۇشار تاس جولىنىڭ بەكىتىلەتىن ۋاقىتى تۇراقتاندىرىلدى!

ءتىلشىنىڭ شينجياڭ ۇيعۇر اۆتونوميالى رايوندىق قاتىناس – تاسىمال مەڭگەرمەسىنەن ۇعىسۋىنشا، 10 – ايدىڭ 10 – كۇنى ساعات 20 دان باستاپ، G217 جەلىسى مايتاۋ – كۇشار تاس جولى قىس مەزگىلىندە جابىق ۇستاۋ كەزەڭىنە وتەدى، بارشا ساياحاتشىلاردىڭ ساپارعا شىعۋ ۋاقىتى مەن جول جەلىسىن ۇيلەسىمدى ورنالاستىرۋىن ءۇمىت ەتەمىز.

2025 – جىلى 5 – ايدىڭ 31 – كۇنى مايتاۋ – كۇشار تاس جولى اشىلعاننان بەرى، جەر – جەردەگى ۇكىمەت ورىندارى مەن قاتىستى تاراۋلاردىڭ كۇش سالا قامتاماسىزداندىرۋى مەن بارشا ساياحاتشىلاردىڭ بەلسەندى قولداۋ كورسەتۋىندە، سايكەسۋىندە، قاتىناس جاعدايى، جالپى جاقتان، قالىپتى بولىپ، جۇرتشىلىقتىڭ ءجۇرىس – تۇرىسىنىڭ حاۋىپسىز دە قولايلى بولۋىنا تاماشا كەپىلدىك ازىرلەدى. جۋىرداعى اۋا رايى جونىندەگى بولجام مەن جولدا قاتىناۋ جاعدايىنا قاراعاندا، مايتاۋ – كۇشار تاس جولىنىڭ تاۋلى وڭىردەگى بولىگىندە قار جاۋىپ، بۇل جولمەن قاتىناۋ ءبىرشاما قاتەرلى بولدى، جۇرتشىلىقتىڭ ءجۇرىس – تۇرىسىنىڭ حاۋىپسىزدىگىنە كەپىلدىك ەتۋ ءۇشىن، 10 – ايدىڭ 10 – كۇنىنەن باستاپ، G217 جول جەلىسىنىڭ مايتاۋ – كۇشار بولىگىندە قىس مەزگىلىندە جابىق ۇستاۋ شاراسى اتقارىلىپ، اۆتوموبيلدەردىڭ قاتىناۋىنا تيىم سالىنادى. 2026 – جىلى ناقتى اشىلاتىن ۋاقىتى ايىرىم ۇقتىرىلادى.

كەلۋ قاينارى: حالىق تورابى