شەكارا اتتاپ تەلەكوم تەحنيكاسىنان پايدالانىپ الدامكوستىك ىستەگەن جۇڭگولىق قىلمىس كۇماندىلارىنان 920 نەشە ادام ەلىمىزگە وتكىزىلدى

حالىق گازەتىنىڭ ءتىلشىسى جاڭ تيانپەي 4 – ايدىڭ 23 – كۇنى بەيجيڭنەن حابارلايدى. ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنا ىشكەرىلەي سوققى بەرۋ ءۇشىن، جۇڭگو – بيرما ەكى جاق زاڭ اتقارۋ جاعىنداعى سەلبەستىك تەبىنىن ۇزدىكسىز كۇشەيتىپ، شوعىرلى تۇردە الاستاۋ ارەكەتىن ۇزدىكسىز ورىستەتتى. جۋىردا بيرمانىڭ زاڭ اتقارۋ تاراۋلارى الدىڭعى مەرزىمدە بيرمانىڭ شان شتاتىنىڭ وڭتۇستىگىندەگى داڭياڭ، مىڭمۋ قاتارلى جەرلەردە الدامكوستىك قىلمىسى بويىنشا قولعا تۇسىرىلگەن جۇڭگولىق 920 نەشە قىلمىس كۇماندىسىن ەلىمىزدىڭ يۇننان ولكەسىنىڭ شيشۋاڭباننا وبلىسىنداعى دالو وتكەلى ارقىلى بۇكىلدەي جۇڭگوعا وتكىزىپ بەرگەن. بۇل ەلىمىزدىڭ شەكاراسىنا جاقىن بيرمانىڭ سولتۇستىگىندەگى وڭىرلەردەگى كولەمدى تەلەكوم الدامكوستىگى باقشا رايونى تۇبەگەيلى الاستانعان سوڭ، جۇڭگو – بيرما ەكى ەلدىڭ زاڭ اتقارۋ تاراۋلارى بيىرمانىڭ ىشكى وڭىرلەرىندە تەلەكوم الدامكوستىگى قىلمىسىنا ۇزدىكسىز سوققى بەرۋدە قول جەتكىزگەن جاڭا جەتىستىگى.

كەلۋ قاينارى: حالىق تورابى