ساياسي كەڭەس مەملەكەتتىك 13 - كەزەكتى كوميتەتى ەكونوميكا كوميتەتىنىڭ ورىنباسار مەڭگەرۋشىسى جاڭ شياۋليان تارتىپكە، زاڭعا اۋىر قايشىلىق جاساعاندىقتان پارتيادان ايدالدى

شينحۋا اگەنتتىگىنىڭ 4 ـ ايدىڭ 23 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى 13 ـ كەزەكتى مەملەكەتتىك ساياسي كەڭەس ەكونوميكا كوميتەتىنىڭ ورىنباسار مەڭگەرۋشىسى جاڭ شياۋلياننىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.

تەكسەرۋ ارقىلى مىنانى انىقتادى: جاڭ شياۋليان مۇرات - سەنىمنەن ايرىلىپ، اۋەلگى ماقسات پەن بورىشتان بەزىپ، ءمانساپقا بەرىلىپ، اقىل - پاراساتىنان اداسىپ، ساياسي الدامكوستەرمەن دوستاسىپ، ۇيىمنىڭ تەكسەرۋىنە قارسى شىققان؛ ورتالىقتىڭ سەگىز ءتۇرلى بەلگىلەمەسىنىڭ رۋحىن ەلەپ - ەسكەرمەي، بەلگىلەمەگە قايشىلىق جاساپ تارتۋ - تارالعى، اقشا العان، ۇكىمەت قىزمەتىن ءادىل اتقارۋعا ىقپال جاساۋى مۇمكىن بولعان قوناعاسىنى قابىلداعان؛ ۇيىمدىق پرينسيپكە قايشىلىق جاساپ، جەكە باسىنا قاتىستى ىستەردى بەلگىلەمە بويىنشا مالىمدەمەي، كادرلاردى تاڭداپ ءوسىرۋ، مىندەتكە تاعايىنداۋ قىزمەتى بارىسىندا باسقالارعا پايدا جەتكىزگەن ءارى مال – مۇلىك العان؛ پاكتىكتىڭ شەگىنەن شىققان؛ جالپىلىق قۇرالدى جەكەگە پايدالانىپ، قولىنداعى جالپىلىق ۇقىقتى باس پايداعا سالىنىپ، مال - مۇلىك جيناۋدىڭ قۇرالى ەتىپ، ۇقىق - اقشا ساۋداسىمەن بارىنشا شۇعىلدانىپ، قىزمەت قولايلىلىعىنان پايدالانىپ، باسقالارعا دەلونى ءبىر جاقتى ەتۋ، كاسىپورىن تيجاراتى، قىزمەت ورنالاستىرۋى قاتارلى جاقتاردان پايدا جەتكىزىپ ءارى قوماقتى مال – مۇلىك العان.

جاڭ شياۋليان پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە تۇرمىس تارتىبىنە اۋىر قايشىلىق جاساپ، قىزمەت مىندەتىندە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيانىڭ 18 - قۇرىلتايىنان كەيىن تيىلماعان، تىزگىنىن تارتپاعان، سيپاتى اۋىر، ىقپالى ناشار، ونى قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىن اكىمشىلىك جاقتان ءبىر جاقتى ەتۋ زاڭى» قاتارلى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ جانە ج ك پ ورتالىق كوميتەتىنىڭ بەكىتۋى ارقىلى جاڭ شياۋليانعا پارتيادان شىعارۋ جازاسىن بەرۋدى، بەلگىلەمە بويىنشا ونىڭ يگىلىكتەنەتىن مامىلەسىن كۇشىنەن قالدىرۋدى، تارتىپكە، زاڭعا قايشى تابىسىن جيناپ الۋدى ۇيعاردى؛ قىلمىس كۇمانى تاعىلعان ماسەلەسىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرىپ، ساياتىن مال - مۇلىكتى بىرگە وتكىزىپ بەردى.

كەلۋ قاينارى: حالىق تورابى