Пераклад зместу

Інструмент Пераклад зместу дазваляе рэдактарам ствараць пераклады на аснове тэксту арыгінальнага артыкула і аўтаматызуе ўсе руцінныя крокі: капіраванне тэксту на ўкладках браўзера, пошук адпаведных спасылак і катэгорый і г.д. Дзякуючы гэтаму інструменту перакладчыкі могуць заняцца стварэннем якаснага кантэнту, які натуральна чытаецца на іх мове.

Інструмент даступны для жадаючых і быў выкарыстаны для стварэння больш за два мільёны артыкулаў, дзякуючы чаму ўдалося дабіцца павышэння прадукцыйнасці працы перакладчыкаў.^{[1] [2]} Пераклад зместу ўжывае такія інструменты, як слоўнікі ці сэрвісы машыннага перакладу. Яны пакуль не падтрымліваюцца ўсімі мовамі, аднак гэты інструмент можа быць пашыраны.

Пераклад зместу быў палепшаны і цяпер мае адзіную панэль кіравання, якая забяспечвае аднолькавы вопыт для ўсіх карыстальнікаў на камп’ютарах і мабільных прыладах. Ён уключае інструмент Пераклад раздзелаў для мабільных карыстальнікаў, які дазваляе хутка пашыраць артыкул, перакладаючы асобныя раздзелы, а таксама для камп’ютараў, які дае магчымасць перакласці ўвесь артыкул. З дапамогай адзінай панэлі кіравання карыстальнікі камп’ютараў змогуць:

• Перакладаць новыя раздзелы артыкула.
• Адкрыць для сябе і выкарыстоўваць фільтры прапанаваных артыкулаў паводле тэм, першапачаткова даступныя толькі для карыстальнікаў мабільных прылад.
• Адкрыць для сябе і выкарыстоўваць фільтр Спісы, вызначаныя супольнасцю , таксама вядомы як «Калекцыі», з вікі-праектаў і кампаній.

Гл. таксама:

• Дакументацыя карыстальніка
• Тэхнічная дакументацыя
• Пераклад раздзелаў і падтрымка мабільных прылад. Ініцыятыва Перакладу раздзелаў пашырае магчымасці Перакладу зместу. Перакладчыкі змогуць дапаўняць існуючыя артыкулы, перакладаючы новы раздзел на мабільных прыладах і персанальных камп’ютарах. Пераклад раздзела знаходзіцца ў актыўнай распрацоўцы, і вы можаце ўдзельнічаць і адсочваць ход апошніх абнаўленняў.

Вы можаце атрымаць доступ да інструмента з дапамогай Адмысловае:Пераклад зместу ў Вікіпедыі на любой мове. Зварот да яго ўпершыню таксама ўключыць гэты інструмент на дадзенай вікі.

Пераклад зместу даступны для зарэгістраваных карыстальнікаў Вікіпедыі на ўсіх мовах. У некаторых мовах яго трэба самастойна ўключыць як бэта-функцыю, а ў іншых ён уключаны па змаўчанні ў якасці звычайнай перавагі карыстальніка. Калі функцыя ўключана, вы ўбачыце дадатковыя пункты ўваходу для лёгкага пачатку перакладу са сваёй старонкі «Уклад» або са спісу моў артыкулаў Вікіпедыі ў выпадку іх адсутнасці на вашай мове.

Калі вы мелі нейкую праблему з інструментам ці проста хочаце падзяліцца досведам працы з ім, звярніцеся на старонку размоў.

Пераклад зместу дазваляе вам стварыць пачатковую версію старонкі ў Вікіпедыі, заснаваную на існуючай старонцы на іншай мове. Інструмент базуецца на пераносе і адаптацыі зместу з існуючага артыкула ў новы на іншай мове. Ён дазваляе рэдактарам выкарыстоўваць частку або ўвесь існуючы змест у сваёй пачатковай версіі артыкула з тым, каб пасля палепшыць яго звычайнымі спосабамі рэдагавання.

Мы спадзяемся, што Пераклад зместу дапаможа пашырыць аб’ём чалавечых ведаў за кошт большай колькасці моў. Інструмент распрацаваны для карыстальнікаў, якія валодаюць дзвюма і больш мовамі.

Гэты інструмент дазволіць спрасціць для дзеючых рэдактараў працэс перакладу кантэнту. У цяперашні час каля 15% карыстальнікаў таксама рэдагуюць артыкулы на іншай мове. Устаноўлена, што шматмоўныя рэдактары больш прадукцыйныя, чым іх аднамоўныя калегі, робячы ў сярэднім у 2-3 разы больш правак.^[3] Акрамя таго, інструмент прызначаны для прыцягнення новых рэдактараў, для якіх такі спосаб занясення ўкладу можа здацца прасцейшым, чым стварэнне новай старонкі з нуля.

Інструмент распрацоўваўся паводле наступных прынцыпаў:

• Зберагчы час. Дапамагчы перакладчыкам хутка ствараць кантэнт без непатрэбнага капіравання-ўстаўкі ў знешнія інструменты.
• Аказаць дапамогу. Пазбегнуць памылак і зрабіць карыстальніка ўпэўненым у сваіх перакладах.
• Заахвоціць якасць перакладу. Інструмент павінен правільна данесці да карыстальніка мэту перакладу ў кантэксце Вікімедыі і дапамагчы карыстальніку пазбегнуць нізкаякаснага перакладу.
• Не падганяць карыстальніка. Паколькі розныя перакладчыкі карыстаюцца рознымі спосабамі рэдагавання, аказваемая інструментам дапамога не павінна замінаць працэсу рэдагавання.
• Засяроджвацца на змесце. Працэс перакладу больш засяроджаны на змесце, чым на стылі афармлення. Такія тэхнічныя элементы, як вікі-разметка, павінны апрацоўвацца спосабам, які б не ўскладняў пераклад.

Больш падрабязная інфармацыя пра разгляданую аналітыку даступная тут.

• Паспрабуйце інструмент
• Create community-defined lists
• Дапамажыце палепшыць інструмент, інтэграваўшы новыя службы машыннага перакладу або прааналізаваўшы нашы звесткі пра апублікаваныя пераклады, каб палепшыць якасць перакладу.
• Прайдзіце апытанне — так вы зможаце даць нам інфармацыю пра тое, якія з існуючых інструментаў падтрымліваюцца на вашай мове.
• Пакіньце водгук на старонцы размоў.

• Апісанне прадукту
• Распрацоўшчыкам
• Звесткі пра разгортванне
• Дапаможныя дакументы
• Абвесткі
• Усе падстаронкі
• Найлепшыя практыкі для мерапрыемстваў па Перакладзе зместу
• Extension:Translate
• Справаздачы па стане
• Дарожная карта

• WMF Projects/be
• Localisation/be
• Language Engineering/be
• Content Translation/be