സെജോ ജോൺ

തൃശ്ശൂർ ജില്ലയിലെ ആതിരപ്പള്ളിയാണ് സെജോ ജോണിന്റെ ജന്മദേശം. കൊച്ചി മഹാരാജാസ് കോളേജിൽ നിന്ന് സംഗീതത്തിൽ ബിരുദം കരസ്ഥമാക്കിയ അദ്ദേഹം സിനിമാരംഗത്ത് എത്തുന്നതിന് മുൻപ് കുറച്ചുകാലം ദുബായിൽ സംഗീതാദ്ധ്യാപകനായി ജോലി ചെയ്തിരുന്നു. 'വേ ടു ക്രോസ്', 'ക്രിയേറ്റർ', 'കർത്താവ്' തുടങ്ങി നിരവധി ക്രിസ്ത്യൻ ഭക്തിഗാന ആൽബങ്ങളിലൂടെയും ഹ്രസ്വചിത്രങ്ങളിലൂടെയുമാണ് അദ്ദേഹം തന്റെ സംഗീത ജീവിതത്തിന് തുടക്കം കുറിച്ചത്.

ആൽബങ്ങൾ ശ്രദ്ധിക്കപ്പെട്ടതോടെയാണ് സെജോ ജോണിന് സിനിമയിലേക്കുള്ള അവസരങ്ങൾ ലഭിച്ചത്. സംവിധായകൻ ജിത്തു ജോസഫ് ആണ് സെജോ ജോണിനെ ചലച്ചിത്ര ലോകത്തിന് പരിചയപ്പെടുത്തിയത്. ജിത്തു ജോസഫ് സംവിധാനം ചെയ്ത് 2010 -ൽ പുറത്തിറങ്ങിയ മമ്മി & മി എന്ന ചിത്രത്തിലൂടെ സ്വതന്ത്ര സംഗീത സംവിധായകനായി സെജോ അരങ്ങേറ്റം കുറിച്ചു. തുടർന്ന് 2012 -ൽ വീണ്ടും ജിത്തു ജോസഫിനൊപ്പം മൈ ബോസ് എന്ന സൂപ്പർഹിറ്റ് ചിത്രത്തിനായി സംഗീതമൊരുക്കി. തുടർന്ന് പത്തോളം സിനിമകൾക്ക് അദ്ദേഹം സംഗീതം നിർവ്വഹിച്ചു. രണ്ട് സിനിമകൾക്ക് ഗാന രചന നിർവ്വഹിച്ച സെജോ അഞ്ച് സിനിമകൾക്ക് വേണ്ടി പശ്ചാത്തല സംഗീതവും ഒരുക്കിയിട്ടുണ്ട്. മൈബോസ് ഉൾപ്പെടെ അഞ്ച് സിനിമകളിൽ ഗാനങ്ങൾ ആലപിച്ചുകൊണ്ട് പിന്നണി ഗാനരംഗത്തും തന്റെ സാന്നിധ്യം അറിയിച്ചു. കീബോർഡ്, വീണ, ഹാർമോണിയം, ഗിറ്റാർ തുടങ്ങിയ വാദ്യോപകരണങ്ങൾ കൈകാര്യം ചെയ്യുന്നതിലും അദ്ദേഹം വിദഗ്ധനാണ്.

സെജോ ജോൺ - Facebook

സെജോ ജോൺ എഴുതിയ ഗാനങ്ങൾ

പശ്ചാത്തല സംഗീതം

ഉപകരണ സംഗീതം - ഗാനങ്ങളിൽ

ഉപകരണ സംഗീതം - സിനിമകളിൽ