താങ്കളുടെ നിർദ്ദേശങ്ങൾ അറിയിക്കൂ

മാലാഖമാർ വന്നു പൂവിടർത്തുന്നത്
മകനേ നിനക്കു വേണ്ടി
മനസ്സിൽ സ്നേഹമാം സുധ നിറയ്ക്കുന്നത്
മകനേ നിനക്കു വേണ്ടി (മാലാഖ...)

മന്ദസ്മിതത്തിലെ ചുംബനം ചൊരിഞ്ഞത്
മകനേ നിനക്കു വേണ്ടി - അമ്മ
മെഴുകു വിളക്കുമായ് കാത്തിരിക്കുന്നത്
മകനേ നിനക്കു വേണ്ടി (മാലാഖ...)

മിഴികൾ ബാഷ്പ തടാകങ്ങളായ്
മകനേ നിനക്കു വേണ്ടി -അമ്മ
പ്രസവിച്ച നാൾ മുതൽ തീ തിന്നുന്നത്
മകനേ നിനക്കു വേണ്ടി (മാലാഖ...)

മൂകദു:ഖങ്ങളെ മുൾമുടിയണിഞ്ഞത്
മകനേ നിനക്കു വേണ്ടി - അമ്മ
മരിക്കാതിരിക്കാൻ ആഗ്രഹിക്കുന്നത്
മകനേ നിനക്കു വേണ്ടി (മാലാഖ...)