പി മാധുരി

തമിഴ്നാട്ടിലെ തിരുച്ചിറപ്പള്ളിയി സ്വദേശിയായ മാധുരി യഥാർത്ഥ പേര് ശിവജ്ഞ്യാനം. നാടക വേദികളിലൂടെയാണ് കലാരംഗത്ത് സജീവമാകുന്നത്. നാടകത്തിലെ മാധുരിയുടെ ആലാപനം ഇഷ്ടപ്പെട്ട പ്രശസ്ത സംഗീത സംവിധായകൻ ജി.ദേവരാജൻ അവരെ മലയാള സിനിമയിലേയ്ക്ക് ക്ഷണിച്ചു. മലയാള ഗാനങ്ങൾ പാടുന്നതിന് വേണ്ടി മലയാളം പഠിച്ച മാധുരി 1969 -ൽ ജി.ദേവരാജന്റെ സംഗീതത്തിൽ കടൽപ്പാലം എന്ന സിനിമയിൽ "കസ്തൂരി തൈലമിട്ട് മുടി മിനുക്കീ..." എന്ന ഗാനം പാടിക്കൊണ്ട് മലയാള ചലച്ചിത്ര പിന്നണി ഗാനരംഗത്ത് തുടക്കം കുറിച്ചു.

തുടർന്ന് കുമാരസംഭവം, വാഴ്‌വേ മായം, അനുഭവങ്ങൾ പാളിച്ചകൾ, സിന്ദൂരച്ചെപ്പ്, ഗുരുവായൂർ കേശവൻ... എന്നിങ്ങനെ 500 -ൽ കൂടുതൽ മലയാള ചലച്ചിത്രഗാനങ്ങൾ മാധുരി ആലപിച്ചിട്ടുണ്ട്. അവയിൽ ഭൂരിപക്ഷവും ദേവരാജ ഗാനങ്ങളായിരുന്നു. പ്രധാനമായും മലയാള സിനിമകളിലാണ് അവർ പാടിയിരുന്നത് എങ്കിലും ചില തമിഴ്, തെലുഗു സിനിമകളിലും ഗാനങ്ങൾ ആലപിച്ചിട്ടുണ്ട്. 1985 -ൽ ബാലചന്ദ്ര മേനോൻ സംവിധാനം ചെയ്ത മണിച്ചെപ്പു തുറന്നപ്പോൾ എന്ന സിനിമയിൽ മാധുരി അഭിനയിക്കുകയും ചെയ്തു.

മാധുരി വളരെ ചെറുപ്പത്തിൽ തന്നെ വിവാഹിതയായിരുന്നു വി. ജയറാം ആണ് ഭർത്താവ്. അവർക്ക് രണ്ട് മക്കളാണുള്ളത്.