கொழும்பு நுகர்வோர் விலைச் சுட்டெண்ணினை (கொநுவிசு, 2021=100) அடிப்படையாகக் கொண்ட முதன்மைப் பணவீக்கமானது (ஆண்டிற்கு ஆண்டு) முதன்மையாக உணவுப் பணவீக்கத்தில் புள்ளிவிபரத் தளத் தாக்கத்தின் காரணமாக, 2026 யூலையின் 7.3 சதவீதத்திலிருந்து 2026 ஓகத்தில் 8.0 சதவீதமாக அதிகரித்தது. அதேவேளை, உணவுப் பணவீக்கம் (ஆண்டிற்காண்டு), 2026 யூலையின் 6.3 சதவீதத்திலிருந்து 2026 ஓகத்தில் 8.5 சதவீதமாக அதிகரித்து, முதன்மைப் பணவீக்கத்தில் அதிகரிப்பிற்குப் பிரதானமாக பங்களித்த அதேவேளை, உணவல்லாப் பணவீக்கம் (ஆண்டிற்காண்டு), 2026 யூலையின் 7.8 சதவீதத்திலிருந்து 2026 ஓகத்தில் 7.7 சதவீதமாக வீழ்ச்சியடைந்தது.

வெளிநாட்டு நடைமுறைக் கணக்கானது 2026 யூலையில் ஐ.அ.டொலர் 142 மில்லியன் கொண்ட பற்றாக்குறையொன்றினைப் பதிவுசெய்து, தொடர்ச்சியான நான்காவது மாதத்திற்கான பற்றாக்குறையாக விளங்கி மத்திய கிழக்கில் ஏற்பட்ட அபிவிருத்திகளின் தாக்கத்தினைப் பிரதிபலித்தது. 2025 சனவரி தொடக்கம் யூலை வரையான காலப்பகுதியில் பதிவுசெய்யப்பட்ட மிகையொன்றுடன் ஒப்பிடுகையில் 2026இன் தொடர்புடைய காலப்பகுதியில் ஐ.அ.டொலர் 387 மில்லியன் கொண்ட ஒன்றுசேர்ந்த பற்றாக்குறையொன்றினை இது தோற்றுவித்தது.

‘Economic and Social Statistics of Sri Lanka – 2026’, an annual release of socio-economic statistics of the Central Bank of Sri Lanka, is now available for public access. This is an online data release containing long series of data in an easily accessible and downloadable format, catering to the data requirements of various stakeholders.

கட்டடவாக்கத்திற்கான இலங்கை கொள்வனவு முகாமையாளர்களின் சுட்டெண் (கொ.மு.சு - கட்டடவாக்கம்), மொத்த நடவடிக்கைச் சுட்டெண் மூலம் பிரதிபலிக்கப்பட்டவாறு, 2026 யூலையில் 61.4 ஆக அதிகரித்து, கட்டடவாக்க நடவடிக்கைகளில் தொடர்ச்சியான விரிவாக்கத்தை எடுத்துக்காட்டியது. உள்ளீட்டுத் தடைகள் குறிப்பாக தார் வழங்கல் பற்றாக்குறை காணப்பட்ட போதிலும், கட்டடவாக்க வேலையின் தொடர்ச்சியான பாய்ச்சலொன்றை பல அளவீட்டுப் பதிலிறுப்பாளர்கள் சுட்டிக்காட்டியிருந்தனர்.

கொழும்பு மாவட்டத்திற்காக தொகுக்கப்படும் காணி விலைமதிப்பீட்டுக் குறிகாட்டியானது 2025இன் நேரொத்த காலப்பகுதியுடன் ஒப்பிடுகையில், 2026இன் முதலாம் அரையாண்டில்; மிதமான வேகத்தில் 5.9 சதவீதத்தினால் அதிகரித்தது. காணி விலைமதிப்பீட்டுக் குறிகாட்டியின் அனைத்து மூன்று துணைக் குறிகாட்டிகளும், வதிவிட காணி விலைமதிப்பீட்டுக் குறிகாட்டி 6.7 சதவீதம், அதனைத் தொடர்ந்து வர்த்தக காணி விலைமதிப்பீட்டுக் குறிகாட்டி 5.7 சதவீதம் மற்றும் கைத்தொழில் காணி விலைமதிப்பீட்டுக் குறிகாட்டி 5.2 சதவீதம் கொண்ட அதிகரிப்புடன் காலப்பகுதியில் மிதமான ஆண்டுக்காண்டு அதிகரிப்புக்களைப் பதிவுசெய்தன. 2025இன் இரண்டாம் அரையாண்டுடன் ஒப்பிடுகையில், 2026இன் முதலாம் அரையாண்டில் காணி விலைமதிப்பீட்டுக் குறிகாட்டிகளும் அனைத்து மூன்று துணைக் குறிகாட்டிகளும் அதிகரித்தன. இந்நோக்கில், வதிவிட மற்றும் கைத்தொழில் காணி விலைமதிப்பீட்டுக் குறிகாட்டிகள், 2025இன் இரண்டாம் அரையாண்டில் அவதானிக்கப்பட்டதை விடவும் உயர்வான அதிகரிப்புகளைப் பதிவுசெய்தன.

கொள்வனவு முகாமையாளர் சுட்டெண்கள், 2026 யூலையில் தயாரிப்பு மற்றும் பணிகள் நடவடிக்கைகள் இரண்டிலும் விரிவடைதல்களை எடுத்துகாட்டுகின்றன.

தயாரிப்பிற்கான இலங்கைக் கொள்வனவு முகாமையாளர் சுட்டெண் (கொ.மு.சு – தயாரிப்பு), 2026 யூலையில் 55.0 சுட்டெண் பெறுமதியினைப் பதிவுசெய்து, தயாரிப்பு நடவடிக்கைளில் தொடர்ச்சியான விரிவடைதலை எடுத்துக்காட்டுகின்றது. இம் முன்னேற்றத்திற்கு அனைத்து துணைச் சுட்டெண்களும் சாதகமாகப் பங்களித்திருந்தன.