nanpa ijo: SCP-426
kulupu ijo: Euclid
nasin poki namako: o poki e mi. poki ni li jo ala e lupa lukin. tan ni la, jan ken ala lukin e mi. sitelen lupa pi poki mi li jo ala e nanpa mi anu nimi mi tan nasa mi. jan pi kulupu sona tu wan taso li ken sona e lon mi. o ante e jan pali mi lon open pi tenpo mun ale tan nasa mi namako. pini pi tenpo mun la, o lukin e ni: lawa pi jan pali li kama ala kama nasa. jan pali li nasa ala la, ona li ken pali e mi lon tenpo kama pi tenpo mute tu tu. jan pali li nasa la, ona o moku e misikeke pi sona ala pi kulupu C, li tawa ma ante.
sona: toki, mi ijo SCP-426. jan sona li wile e toki e mi kepeken nimi ni tan ni: jan li sona e kama lon mi. mi ilo seli pan. mi jo e wawa la, mi ken seli e pan. taso, jan li toki e mi la, ona li toki e mi kepeken nimi "mi". jan ken ala toki e mi kepeken nimi "ona". jan li lon poka mi lon tenpo mun tu, ona li pilin e ni: ona li ilo seli pan. ona li ken la, ona li wile kepeken ona sama ilo seli pan, li pakala.
kulupu SCP li kama sona e mi lon tomo pi kulupu jan ████████. tenpo pini la, jan tu wan li moli. jan li pana e mi tawa mije ████████ lili en meli ████████ lili tan ni: ona tu li kama kulupu. poki mi li jo ala e sitelen. tenpo kama mun tu la, jan pi utala seli li tawa e tomo tan pakala seli. meli ████████ lili li moli tan moku e wawa linja. jan moli ante tu li moli lon tenpo pini lili. meli ████████ suli li moli tan ni: ona li moku e pan mute mute la, sijelo ona li pakala. mije ████████ lili li lukin [WEKA] e mi, li moli. mije ████████ taso li moli ala. taso, ona li moku ala lon tenpo mute, li toki e ni: "mi tawa e pan tawa insa mi, li awen e ni: pan kama tan insa mi."
jan li kama sona e nasa mi la, kulupu SCP li lanpan e mi. jan ante li moku e misikeke pi sona ala pi kulupu C.
sona alasa nanpa 426-1:
tenpo: ██-██-████
jan: jan pi kulupu D D/426/1
nasin: jan D/426/1 li toki e ni: poki mi li jo e seme? ona li sona ala e nasa mi.
sona: jan D/426/1 li toki e ni: "ken la, mi monsuta suli. sina mute li jo e monsuta mute." jan D/426/1 li sona ala e ni: ona li toki kepeken nimi "mi".
sona alasa nanpa 426-2:
tenpo: ██-██-████
jan: jan pi kulupu D D/426/2
nasin: jan D/426/2 li lon poki mi. jan li pana e moku tawa jan D/426/2 kepeken ilo pana. jan li ken ala toki tawa jan D/426/2. ilo sitelen li kama jo e sitelen pi jan D/426/2 lon tenpo ale, li kama jo ala e sitelen mi. jan D/426/2 li ken ala tawa tan insa poka. mi en supa anpa li wan, tan ni: ilo sitelen li ken ala kama jo e sitelen mi.
sona: tenpo suno mute mute luka (45) la, jan D/426/2 li pana e luka tawa mi, li open toki tawa mi, li toki e ni: "mi en sina li jan sama". jan D/426/2 li toki e mi la, ona li kepeken e nimi "mi" lon tenpo ale. tenpo lili la, jan li moli e ona. ken la, ona li toki insa e ni kepeken tenpo lili tan ni: ona li lon wan taso.
sona alasa nanpa 426-3:
tenpo: ██-██-████
jan: jan pi kulupu D D/426/3
nasin: ijo sike li weka tan mi. jan li pana e ona tawa jan D/426/3. jan D/426/3 li toki e ona. jan D/426/3 li sona ala e mi, e nasa mi.
sona: jan D/426/3 li toki kepeken nimi "ijo sike mi". sama pi sona alasa nanpa 426-1 la, ona li sona ala e ni: ona li toki kepeken nimi "mi". ken la, mi pakala la, ijo pi awen lon li jo e nasa sama
sona alasa nanpa 426-4:
tenpo: ██-██-████
jan: jan pi kulupu D D/426/4
nasin: jan D/426/4 li lon poki pi poka poki mi. jan li lukin e ona.
sona: jan D/426/4 li kama nasa ala. tenpo suno mute mute mute mute luka luka (90) la, jan li moli e jan D/426/4.
mi ken ala pana e nasa tawa ale. ni li pona. - jan sona K███████