Obyekta #: SCP-173
Obyekta Klas: Euclid
Spesiale Kontening Metoda: Obyekta SCP-173 mus sempre bi kipi-ney in klefi-ney kontena. Wen yuans mus zin SCP-173-ney kontena, amini 3 mus zin, e dwar mus bi riklefi-ney afte zinsa. Dwa yuans mus manteni kansa kun SCP-173 al eni momenta, til kada yuan he chu e kontena he bin riklefi-ney.
Deskriba: Muvi-ney a Sait-19 1993. Origin haishi es bujan-ney. It es konstrukti-ney aus beton e stal prutas, kun muy shao Krylon polviser-pinta. SCP-173 es animi-ney e extreme dushmanlik. Obyekta bu mog muvi wen direktem kan-ney. Vida-linia kun SCP-173 mus bu es interrupti-ney. Yuans enkargi-ney tu zin kontena gai informi mutu bifoo li migi. Es reporti-ney ke obyekta ataki bay rupti galsa nichen kapal, o bay tufa. Si it ataki, yuans mus sekwi Klas 4 riskful obyekta kontening metoda.
Yuans he reporti suons kom koysa raspi ston aus inen kontena wen nulwan es inen. Se es normale, e eni shanja de sey suluka gai bi reporti a go-she HMCL administrayuan.
Rude-brun materia on poda komponi aus fek e hema. Origin de sey substansa es bujan-ney. Kontena mus bi klinisi-ney kada dwa wiks.