.i dacti sinxa fa me'o sycypy. cyny. panozexa
.i dacti klesi fa lai .keter. si si lai co'u tolzgadi
.i se nurbe'i steci ke vasru tadji fa la'e lu la muvdu gunka girzu xi .din.bu cobu paci cu zukte piro da fi lo nu vasru .i ni'i lo du'u lo nu fasnu fa lo tolzgadi cu na ka'e se jitro cu piso'aroi gunka lo nu mipygau kei lo nu vasru .i ro morsi poi simlu lo ka se rinka sycypy. cyny. panozexa cu se cpacu .ei le zgana gunka poi zvati le jbirai zgana stuzi .ida'i na ka'e cpacu .ijo ciksi .ei lo fasnu fi lo se gubni fo lo du'u rirci te bilma ku gi'e tolmo'igau lo srana li'u
.i steci ke vasru tadji fa la'e lu sycypy. cyny. panozexa ba'o la fasnu xi panozexa .abu cu co'u tolzgadi .i le vasru tadji cu co'u akti ba'o lo nu lanli li'u
.i ve skicu fa la'e lu sycypy. cyny. panozexa goi ko'a so'imei lo nu tolzgadi ke cunso fasnu .i ko'a na'o rinka tu'a pa da .i ko'a ge nu
- ge lo besna be pa remna goi ko'e cu sutra ke litki binxo gi'e morsi
- gibaku lo sedbo'u be ko'e cu co'a se punli tai le zilfanva be le jungo bei fo lu «.e'u ko pinxe pa za'umoi se botpi» li'u ku po'u zoi jug. 再来一瓶 .jug.
gi nu ba nu'i la'u lo cacra be li pare bi'i li revo ge lo sedbo'u be ko'e cu se katna lo na se djuno gi lo litki besna cu flecu gi'e canci .i ko'e ca lo nu le sedbo'u cu se katna cu morsi .i ko'a ca lo mu'e piro lo besna cu mo'u canci cu fanmo li'u
.i se jmina sera'a la fasnu xi panozexa .abu fa la'e lu de'i li renopaze pi'e vo pi'e vo cu cpacu le panozemoi jai se rinka .i ca'o lo nu morsi lanli cu facki lo du'u lo punli be lo sedbo'u cu drata gi'e se tamsmi le zilfanva be fo lu «ki'esai selcu'u» li'u po'u zoi jug. 谢谢参与 .jug. .i ca'o le ba djedi be li pabici cu na facki lo nu sycypy. cyny. panozexa cu fasnu .iseki'ubo sycypy. cyny. panozexa cu co'a se klesi lai co'u tolzgadi
.iji'a secu'u lo cpacu gunka cu ganse lo nu vasxu ba'o ra poi fasnu li'u
« sycypy. cyny. panozemu | sycypy. cyny. panozexa | sycypy. cyny. panozeze »