-
rating: 0
Info
rating: 0
-
- _
963ccc_small.jpgSCP-963-1 bez daritelja.
Identifikator objekta: SCP-963
Klasa objekta: Euklid
Specialne Činy Postupanja: SCP-963-1 trěbuje byti oddany opekě aktualnomu rukovatoru uravnja D, a takože personalu klasifikovanomu ako pomočnik Dr. Brajta. Toj pomočnik jest dolžen byti izbrany od O5-█ za lojalnost do Fundacije i psihologičnu stabilnost.
SCP-963 imaje byti priloženy do čela podmeta ili vrhnoj strany ruki podmeta upotrěbivši prigodno krěpkoj epoksidnoj smoly. Nyně SCP-963-1 jest pověšeny na lancuhu na šiji podmeta. Ne dopuščaje se, da by 963-1 byl hovany na tělu podmeta. Kako-nebud pokušenje dělanja togo bude odbiti se usmrčenjem.
Ako li dolgost žitja aktualnogo podmeta o uravnju D prěvysi trideseti dni, jest on dolžen byti usmrčeny i ima byti izbrany novy podmet do nošenja 963-1. Od prikaza O5-█, kto-nebud nosi SCP-963-1 na sobě, jest izključeny iz usmrčenja, dopoka ne bude umrti iz naturalnyh pričin ili 963-1 ne prěnese se na drugu osobu.
ČUVANJE: Od 13.12.████ 963-1 ne može byti v okolině allowed in proximity kakogo-nebud humanoida SCP klasy Euklid ili Keter. Razlomjenje toj direktivy bude karano smrtju. Odrěčeno od O5-6, O5-8, O5-9
ČUVANJE: Od Incidenta-239-b Klef-Kondraki, SCP-963-1 ne može byti v Centru-17 bez izglašenja dozvoljenja trěh členov Konsiliuma O5. Narušenja budut karane smrtju. Odrěčeno od O5-6, O5-8, O5-9
Opis: SCP-963-1 jest ozdobny amulet o dolžině obvoda okolo centimetrov i izdělany iz bělogo zlata s trinadsetju (13) ██k blěskavo izrězanymi diamantami oblagajučimi ███k ovalno izrězany rubin na obrazcu zvězdnoj aureoly. Byl odkryty srěd personalnyh prědmetov ██████ ███, ktory byl najdeny mrtvy črěz prividno samoubijstvo, suči oblagany mnogymi knigami svezanymi s nadprirodnostju. Naš agent v oblasti je odkryl, že 963-1 ne može byti poškodženy i je vnesl objekt po protokolu XLR-8R-██.
Dr. Džak Brajt, mladši raziskyvatelj s dobroju reputacijeju, byl naznačeny do raziskyvanja sposobnosti SCP-963-1 i uděljeny jemu dostup k [REDAGOVANO]. Pozdněje, togože roka, SCP-076-2 je slomil uslovja sodrživanja (gledajte dokument 076-2-19A), vodeč do [REDAGOVANO] smrti i ██ poškodženyh. Medžuvrěmenno, doktor Brajt je ručno transportoval SCP-963-1 za sodrživajuču jedinicu SCP-076-2 i je byl medžu prvyh UPN (ubityh podle narušenja). Okolo █ dni pozdněje, D1-113, naznačeny do razčiščenja městnost iz odlomkov, je odkryl i sobral 963-1. Onogda je nastala bezposrědnja i primětna izměna D1-113. Poniže intervju.
Log Intervju x████, Data: ██-█-████
████: Možete li pověděti mně svoje ime?
D1-113: Džak Brajt, věd dobro to znaš!
████: Mnim, že nazyvaješ se Tom Hajgli, rabotaješ dlja nas za čest svojego dožitnogo vyroka.
D1-113: Ne bud směšny! Ja byh ne mogl byti- (v tom vrěmenu SCP-963-1 byl odstranjeny od iměnja D1-113. Obrazovanje metodoju magnetičnogo rezonansa je izstavilo, že vse vysše funkcije mozga D1-113 sut izčeznuli. Kogda je vračeno 963-1, mozgove funkcije sut povratili.)
████: Dr. Brajt?
D1-113: Čto?
████: Sdavaje se, že imajemo problem.
Po mnogyh eksperimentah odkryto, že kogda kaky-nebud živy antropoid vhodi v bezposrědnji kontakt so SCP-963-1, razum podmeta propadaje, a toj Dr. Brajta prěnosi se iz 963-1 na toj podmet. Znano jest, že pamet rodna dlja Dr. Brajta prěměščaje se iz daritelja na daritelja.
Jestli podmet poddržaje kontakt s objektom črěz trideset (30) dni, jego mozgove funkcije stavajut duplikat tyh Dr. Brajta. Ako li 963-1 jest odstranjeny po tom vrěmenu, podmet zadrživaje nezaležna kopija svědomosti Džaka Brajta. Vvedeno sankcije, da by unemožniti suegzistovanje mnogokratnyh kopij Džaka Brajta, ktore by mogli sutruditi, jednako je odkryto, že ne jest to neobhodimo, ako že Doktor Brajt je dokazal, že jest vpolno posvečeny Fundaciji i jej cěljam.
Sam Doktor Brajt je odpravil obširne eksperimenty na SCP-963-1, imajuč želanje na izpuščenje od objekta. Intervju s Doktorom Brajtom ukazyvajut, že ██████ ███ je ubil se podčas aktivovanja SCP-963-1 i tomu je ne mogl objediniti svojej svědomosti s amuletom. Hipoteza Doktora Brajta prědpokladaje, že on slučajno activated je aktivoval moč 963-1 skroz bytje ubity, vměsto samoubjenja kak originalny tvoritelj.
2ni6vxu.jpgSCP-963-2, okazyvajuči [DANE IZČRKNUTE]
Vpis gledeči na SCP-963-2
Dnja ██.██.████, O5-9 je kazal, da by poprobovati sreplikovati SCP-963-1. Vse pokušenja sut končali se neuspěh, dopoka ne SCP-963-2 [POSLĚDOVATELJNE DANE IZČRKNUTE]VSE INFORMACIJE ODNOSNO SCP-963-2 SUT KLASIFIKOVANE NA URAVENJ 5. KAKA-NEBUD OSOBA POKUŠAJUČI DOSTATI DOSTUP K DALJŠIH INFORMACIJ O SCP-963-2 BEZ URAVNJA DOSTUPA 5 BUDE UBITA.
963ccc_small.jpgSCP-963-1 без даритеља.
Идентификатор објекта: SCP-963
Класа објекта: Еуклид
Специалне Чины Поступања: SCP-963-1 трєбује быти одданы опекє актуалному руковатору уравња D, а такоже персоналу класификованому ако помочник Др. Брајта. Тој помочник јест должен быти избраны од O5-█ за лојалност до Фундације и психологичну стабилност.
SCP-963 имаје быти приложены до чела подмета или врхној страны руки подмета употрєбивши пригодно крєпкој епоксидној смолы. Нынє SCP-963-1 јест повєшены на ланцуху на шији подмета. Не допушчаје се, да бы 963-1 был хованы на тєлу подмета. Како-небуд покушење дєлања того буде одбити се усмрчењем.
Ако ли долгост житја актуалного подмета о уравњу D прєвыси тридесети дни, јест он должен быти усмрчены и има быти избраны новы подмет до ношења 963-1. Од приказа O5-█, кто-небуд носи SCP-963-1 на собє, јест изкључены из усмрчења, допока не буде умрти из натуралных причин или 963-1 не прєнесе се на другу особу.
ЧУВАЊЕ: Од 13.12.████ 963-1 не може быти в околинє алловед ин проксимиты какого-небуд хуманоида SCP класы Еуклид или Кетер. Разломјење тој директивы буде карано смртју. Одрєчено од O5-6, O5-8, O5-9
ЧУВАЊЕ: Од Инцидента-239-b Клеф-Кондраки, SCP-963-1 не може быти в Центру-17 без изглашења дозвољења трєх членов Консилиума O5. Нарушења будут каране смртју. Одрєчено од O5-6, O5-8, O5-9
Опис: SCP-963-1 јест оздобны амулет о должинє обвода около центиметров и издєланы из бєлого злата с тринадсетју (13) ██к блєскаво изрєзаными диамантами облагајучими ███к овално изрєзаны рубин на образцу звєздној ауреолы. Был одкрыты срєд персоналных прєдметов ██████ ███, кторы был најдены мртвы чрєз привидно самоубијство, сучи облаганы многыми книгами свезаными с надприродностју. Наш агент в области је одкрыл, же 963-1 не може быти пошкоджены и је внесл објект по протоколу XLR-8R-██.
Др. Джак Брајт, младши разискыватељ с доброју репутацијеју, был назначены до разискывања способности SCP-963-1 и удєљены јему доступ к [РЕДАГОВАНО]. Позднєје, тогоже рока, SCP-076-2 је сломил условја содрживања (гледајте документ 076-2-19a), водеч до [РЕДАГОВАНО] смрти и ██ пошкодженых. Меджуврєменно, доктор Брајт је ручно транспортовал SCP-963-1 за содрживајучу јединицу SCP-076-2 и је был меджу првых УПН (убитых подле нарушења). Около █ дни позднєје, D1-113, назначены до разчишчења мєстност из одломков, је одкрыл и собрал 963-1. Оногда је настала безпосрєдња и примєтна измєна D1-113. Пониже интервју.
Лог Интервју x████, Дата: ██-█-████
████: Можете ли повєдєти мнє своје име?
D1-113: Джак Брајт, вєд добро то знаш!
████: Мним, же называјеш се Том Хајгли, работајеш дља нас за чест својего дожитного вырока.
D1-113: Не буд смєшны! Ја бых не могл быти- (в том врємену SCP-963-1 был одстрањены од имєња D1-113. Образовање методоју магнетичного резонанса је изставило, же все высше функције мозга D1-113 сут изчезнули. Когда је врачено 963-1, мозгове функције сут повратили.)
████: Др. Брајт?
D1-113: Что?
████: Сдаваје се, же имајемо проблем.
По многых експериментах одкрыто, же когда какы-небуд живы антропоид входи в безпосрєдњи контакт со SCP-963-1, разум подмета пропадаје, а тој Др. Брајта прєноси се из 963-1 на тој подмет. Знано јест, же памет родна дља Др. Брајта прємєшчаје се из даритеља на даритеља.
Јестли подмет поддржаје контакт с објектом чрєз тридесет (30) дни, јего мозгове функције ставајут дупликат тых Др. Брајта. Ако ли 963-1 јест одстрањены по том врємену, подмет задрживаје незалежна копија свєдомости Джака Брајта. Введено санкције, да бы унеможнити суегзистовање многократных копиј Джака Брајта, кторе бы могли сутрудити, једнако је одкрыто, же не јест то необходимо, ако же Доктор Брајт је доказал, же јест вполно посвечены Фундацији и јеј цєљам.
Сам Доктор Брајт је одправил обширне експерименты на SCP-963-1, имајуч желање на изпушчење од објекта. Интервју с Доктором Брајтом указывајут, же ██████ ███ је убил се подчас активовања SCP-963-1 и тому је не могл објединити својеј свєдомости с амулетом. Хипотеза Доктора Брајта прєдпокладаје, же он случајно ацтиватед је активовал моч 963-1 скроз бытје убиты, вмєсто самоубјења как оригиналны творитељ.
2ni6vxu.jpgSCP-963-2, оказывајучи [ДАНЕ ИЗЧРКНУТЕ]
Впис гледечи на SCP-963-2
Дња ██.██.████, O5-9 је казал, да бы попробовати срепликовати SCP-963-1. Все покушења сут кончали се неуспєх, допока не SCP-963-2 [ПОСЛЄДОВАТЕЉНЕ ДАНЕ ИЗЧРКНУТЕ]ВСЕ ИНФОРМАЦИЈЕ ОДНОСНО SCP-963-2 СУТ КЛАСИФИКОВАНЕ НА УРАВЕЊ 5. КАКА-НЕБУД ОСОБА ПОКУШАЈУЧИ ДОСТАТИ ДОСТУП К ДАЉШИХ ИНФОРМАЦИЈ О SCP-963-2 БЕЗ УРАВЊА ДОСТУПА 5 БУДЕ УБИТА.