جۇڭگو جاڭادان K تۇردەگى ۆيزانى ارتتىردى، سىرتقى ىستەر مينيسترلىگى جاۋاپ قايتاردى

سىرتقى ىستەر مينيسترلىگىنىڭ مالىمدەمەشىسى گو جياكۇننىڭ 9 – ايدىڭ 29 – كۇنى ايتۋىنشا، جۇڭگولىق – شەتەلدىك جاس عىلىم – تەحنيكا دارىندىلارىنىڭ اۋىس – كۇيىس جانە سەلبەستىك جاساۋىن ىلگەرىلەتۋ ءۇشىن، جۇڭگو جاق جاي ۆيزا ءتۇرى بويىنشا جاس عىلىم – تەحنيكا دارىندىلارىنا ارنالعان ۆيزانى، اتاپ ايتقاندا، K تۇردەگى ۆيزانى جاڭادان ارتتىرعان.

كەزەكتى تىلشىلەردى قابىلداۋ ماجىلىسىندە، ءبىر ءتىلشى بىلاي دەپ سۇرادى: سارسەنبى كۇنى كۇشكە يە بولعان K تۇردەگى ۆيزا دۇنيە جۇزىندەگىلەردىڭ نازارىن اۋداردى، مالىمدەمەشىنىڭ K تۇردەگى ۆيزانى ءوتىنىش ەتۋ ءتارتىبى، ءبىتىرۋ اقىسى، يگىلىكتەنەتىن ساياساتتار جانە شابىتتاندىرۋ شارالارى قاتارلى ناقتى شارالاردى تانىستىرۋىنا بولا ما؟

گو جياكۇن مىنانى ءبىلدىردى: جۇڭگولىق – شەتەلدىك جاس عىلىم – تەحنيكا دارىندىلارىنىڭ اۋىس – كۇيىس جانە سەلبەستىك جاساۋىن جەبەۋ ءۇشىن، جۇڭگو جاق جاي تۇردەگى پاسپورت بويىنشا جاس عىلىم – تەحنيكا دارىندىلارىنا ارنالعان ۆيزانى، اتاپ ايتقاندا، K تۇردەگى ۆيزانى جاڭادان ارتتىرۋدى ۇيعاردى. K تۇردەگى ۆيزانى بىتىرۋگە ءوتىنىش بەرۋ جونىندەگى ناقتى جاعدايلاردى بىلمەكشى بولساڭىزدار، جۇڭگونىڭ شەتەلدە تۇراتىن ەلشىلىكتەرى مەن كونسۋلحانالارى الدا جاريالايتىن قاتىستى اقپاراتتارعا نازار اۋدارىڭىزدار.

كەلۋ قاينارى: حالىق تورابى