جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى

شينحۋا اگەنتتىگى، 9 - ايدىڭ 29 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 9 - ايدىڭ 29 - كۇنى ءماجىلىس اشىپ، حالىق شارۋاشىلىعى مەن قوعامدىق دامۋدىڭ 15 - بەسجىلدىق جوباسىن جاساۋ سىندى كەلەلى ماسەلەنى اقىلداستى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسىن 10 - ايدىڭ 20 - كۇنىنەن 23 - كۇنىنە دەيىن بەيجيڭدە اشۋدى ۇيعاردى.

جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى جانە قوعامدىق دامۋدىڭ 15 - بەسجىلدىق جوباسىن جاساۋ جونىندەگى ۇسىنىس» نۇسقاسىنا پارتيا ءىشى - سىرتىندا بەلگىلى كولەمدە پىكىر الۋ جاعدايى جونىندەگى مالىمەتتى تىڭدادى، وسى رەتكى ماجىلىستە تالقىلانعان پىكىرگە ساي وزگەرىس ەنگىزىلگەننەن كەيىنگى قۇجات نۇسقاسىن 20 - كەزەكتى ورتالىق كوميتەتتىڭ ءتورتىنشى جالپى ماجىلىسىندە قاراۋعا ۇسىنۋدى ۇيعاردى.

ءماجىلىس بىلاي دەپ اتاپ كورسەتتى: بۇل رەتكى پىكىر الۋدا پارتيا ىشىندەگى دەموكراتيا تولىق ساۋلەلەندى، كەڭ كولەمدە پىكىر تىڭدالدى، وڭىرلەر، تاراۋلار، قاتىستى جاقتار ۇسىنىس نۇسقاسىن تولىق تۇراقتاندىرىپ، ۇسىنىس نۇسقاسى "15 - بەسجىلدىق" مەزگىلىندەگى پارتيا مەن مەملەكەت ىستەرى دامۋىنىڭ تاريحي ورنىن دالمە - ءدال يگەرىپ، الداعى 5 جىلداعى دامۋ جونىندە جوعارى دەڭگەيلى جوبا جانە ستراتەگيالىق جوبا جاساپ، قولايلى ساتتەن پايدالانىپ العا ۇمتىلىپ، جۇڭگو ۇلگىسىندەگى وسىزامانداندىرۋ قۇرىلىسىن ۇزدىكسىز ىلگەرىلەتۋدەگى تاعى ءبىر رەتكى جالپى اتتانىسقا كەلتىرۋ، جالپى ورنالاستىرۋ بولىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ەكونوميكانىڭ جەدەل دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتىڭ جاڭا داستانىن ۇزدىكسىز جازىپ، جۇڭگو ۇلگىسىندەگى وسىزامانداندىرۋدىڭ جاڭا جاعدايىن قۇلشىنا اشۋداعى تاريحي ىرىقتىلىعىن ايگىلەدى، پارتيا مەن مەملەكەت ىستەرىنىڭ دامۋىنا، ءسوز جوق، كەلەلى دە تەرەڭ ىقپال جاسايدى دەپ قارادى.

ءماجىلىس مىنالاردى باسا دارىپتەدى: "15 - بەسجىلدىق" مەزگىلىندەگى ەكونوميكالىق، قوعامدىق دامۋدا، ءسوز جوق، پارتيانىڭ جالپى بەتتىك باسشىلىعىنا تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ باسشىلىعىن ەكونوميكالىق، قوعامدىق دامۋدىڭ ءار جاعىنا، تۇتاس بارىسىنا ءسىڭىرۋ؛ حالىقتى بارىنەن جوعارى قويۋعا تاباندى بولىپ، حالىقتىڭ نەگىزگى تۇلعالىق ورنىنا قۇرمەت ەتىپ، جالپى حالىقتى وسىزامانداندىرۋ قۇرىلىسىنىڭ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەندىرۋ؛ جوعارى ساپالى دامۋعا تاباندى بولىپ، جاڭا دامۋ ۇستانىمى ارقىلى دامۋعا جەتەكشىلىك ەتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، ەكونوميكانىڭ باياندى، اقاۋسىز دامۋىن جانە قوعامنىڭ جاپپاي العا باسۋىن ىلگەرىلەتۋ؛ رەفورمانى جاپپاي تەرەڭدەتۋگە تاباندى بولىپ، جوعارى دەڭگەيدە ەسىك اشۋدى كەڭەيتىپ، دامۋدىڭ قوزعاۋشى كۇشى مەن قوعامنىڭ ومىرشەڭدىك كۇشىن ۇزدىكسىز نىعايتۋ؛ ءونىمدى بازار مەن ىسكەر ۇكىمەتتى ۇشتاستىرۋعا تاباندى بولىپ، بازاردىڭ بايلىقتى ورنالاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرۋ؛ دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، تومەنگى شەكتە ويلاۋدى كۇشەيتىپ، ءتۇرلى حاۋىپ - قاتەردەن ءونىمدى ساقتانىپ جانە ونى شەشىپ، جاڭا حاۋىپسىزدىك جاعدايى ارقىلى جاڭا دامۋ جاعدايىن قامتاماسىز ەتۋ كەرەك.

ءماجىلىس بىلاي دەپ باسا دارىپتەدى: پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ − جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ءتۇبىرلى كەپىلى. ءسوز جوق، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋگە تاباندى بولىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدىق ۇندەۋ قابىلەتىن كۇشەيتىپ، پارتيانىڭ ەكونوميكالىق، قوعامدىق دامۋعا باسشىلىق ەتۋ قابىلەتى مەن دەڭگەيىن جوعارىلاتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە قۇدىرەتتى كۇش ۇيىستىرۋ كەرەك.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى