جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دۇرىس، جان - جاقتى دايەكتىلەندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا سوتسياليستىك وسىزاماندانعان شينجياڭ قۇرۋعا قۇلشىنۋ كەرەك

«حالىق گازەتى»، 9 - ايدىڭ 24 - كۇنى، ءۇرىمجى. ورتالىق ۋاكىلدەر ۇيىرمەسىن باستاپ شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسۋعا كەلگەن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 24 - كۇنى شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭدادى. ول بىلاي دەپ باسا دارىپتەدى: شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دۇرىس، جان - جاقتى دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، قوعام ورنىقتىلىعى مەن باياندى تىنىشتىق قىزمەت باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى مىقتاپ ارقاۋ ەتىپ، ورتالىق جۇكتەگەن "5 ۇلكەن ستراتەگيالىق ورىندى" كوزدەپ، زەيىن - زەردەنى، كۇش - قۋاتتى ۇيىستىرىپ، ۇزاق ۋاقىت ۇلەس قوسىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا سوتسياليستىك وسىزاماندانعان شينجياڭ قۇرۋعا قۇلشىنۋى كەرەك.

شي جينپيڭ بىلاي دەپ اتاپ كورسەتتى: شينجياڭ ۇيعۇر اۆتونوميالى رايونى قۇرىلعان 70 جىلدان بەرى پارتيا ورتالىق كوميتەتىنىڭ پارمەندى باسشىلىعىندا جانە بۇكىل ەل حالقىنىڭ زور كۇشپەن قولداۋىندا، اۆتونوميالى رايوندىق پارتكوم مەن ۇكىمەت بۇكىل رايونداعى ءار ۇلت كادرلارى مەن بۇقاراسىن ىنتىماقتاستىرىپ جانە باستاپ، مەملەكەتتىڭ تۇتاستىعىن، ۇلتتار ىنتىماعىن، قوعام ورنىقتىلىعىن باتىل قورعاپ، ەكونوميكالىق، قوعامدىق دامۋدى ۇزدىكسىز ىلگەرىلەتىپ، شينجياڭنىڭ بەت - بەينەسىندە وراسان زور وزگەرىستەر تۋىلدى، بۇكىل ەلدىڭ جەر - جەرىمەن بىرگە دەر كەزىندە جاپپاي دوڭگەلەك داۋلەتتى قوعام قۇرىپ شىعىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادى. ول پارتيا ورتالىق كوميتەتى اتىنان شينجياڭداعى ءار ۇلت كادرلارى مەن بۇقاراسىن قىزۋ قۇتتىقتادى، شىنايى سالەم جولدادى!

شي جينپيڭ بىلاي دەپ باسا دارىپتەدى: جالپىلىق بايلىق فاكتورى مەن كاسىپ سالاسى نەگىزىن تياناق ەتىپ، شينجياڭنىڭ ەرەكشەلىگىنە ۇيلەسەتىن جوعارى ساپالى دامۋ جولىن بەلسەنە قاراستىرۋ كەرەك. ەرەكشە باسىمدىققا يە كاسىپ سالالارىن دامىتۋعا تاباندى بولىپ، باسەكەلىك قۋاتقا يە كاسىپ سالاسى شوعىرىن جەتىلدىرۋ كەرەك. عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن كۇشەيتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ كەرەك. مادەنيەت پەن ساياحاتتى توعىستىرۋدى كۇشەيتىپ، مادەنيەت، ساياحات كاسىبىنىڭ دامۋىن جەبەۋ كەرەك. ەكولوگيالىق جۇيەنى قورعاۋ مەن قالپىنا كەلتىرۋدى كۇشەيتىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن ىلگەرىلەتۋ كەرەك. جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن جەدەل ىلگەرىلەتىپ، ەل ءىشى مەن حالىقارا سىندى قوس اينالىمدى جەبەۋدە اناعۇرلىم زور رول اتقارۋ كەرەك. حالىق تۇرمىسىن قامتاماسىز ەتۋ مەن جاقسارتۋدى ماڭداي الدى ورىنعا قويىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، قوعامدىق ىستەردى كۇش سالا دامىتىپ، ءار ۇلت بۇقاراسىنىڭ دامۋ اياق الىسىنا جاپپاي ات سالىسۋىنا، دامۋ جەتىستىكتەرىنەن بىرگە يگىلىكتەنۋىنە مۇمكىندىك جاساۋ كەرەك.

شي جينپيڭ بىلاي دەپ اتاپ كورسەتتى: شينجياڭنىڭ قوعامدىق جالپى جاعدايىنىڭ ورنىقتىلىعىن بار كۇشپەن قورعاۋ كەرەك. نەگىزگى ساتىنى يگەرۋگە، نەگىزدى كۇشەيتۋگە، نەگىزدى بەكەمدەۋگە تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق قورعانىس شەبىن بەكەمدەۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتىپ، ەلىمىزدەگى دىندەردىڭ جۇڭگوشالانۋىن ىلگەرىلەتىپ، شينجياڭدى مادەنيەتپەن نارلەندىرۋدى كۇشەيتىپ، مادەنيەت ارقىلى ادام تاربيەلەۋگە ءمان بەرىپ، ءار ۇلت كادرلارى مەن بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا جەتەكتەۋ كەرەك.

شي جينپيڭ بىلاي دەپ باسا دارىپتەدى: پارتيانىڭ باسشىلىعى مەن پارتيا قۇرىلىسىن كۇشەيتۋ − شينجياڭنىڭ وسىزامانداندىرۋ قۇرىلىسىن ىلگەرىلەتۋدىڭ ءتۇبىرلى كەپىلى. نازاريامەن قارۋلانۋدى ۇزدىكسىز كۇشەيتىپ، جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى، رۋحتى سومداۋ كەرەك. ورنىقتىلىقتى ساقتاۋدى، دامۋدى جەبەۋدى كادرلاردى جەتىلدىرۋدىڭ، شىنىقتىرۋدىڭ ۇلكەن ساباقحاناسى ەتىپ، قالىڭ كادرلاردىڭ اماليات بارىسىندا جاپا - ماشاقاتتان تايسالماۋ، قيىندىقتان قامال الۋ جىگەرىن شىڭداۋىنا مۇمكىندىك جاساپ، بۇقارانى ىنتىماقتاستىرۋ، بۇقاراعا قىزمەت وتەۋ، كۇردەلى جاعدايدى مەڭگەرۋ قابىلەتىن كۇشەيتۋ كەرەك. نەگىزگى ساتى ۇيىمدارىن جاپپاي كۇشەيتىپ، نەگىزگى ساتى پارتيا ۇيىمدارىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتۋ كەرەك. ورتالىقتىڭ سەگىز ءتۇرلى بەلگىلەمەسىنىڭ رۋحىن ۇيرەنۋ تاربيەسىنىڭ جەتىستىكتەرىن بەكەمدەپ جانە تەرەڭدەتىپ، ستيلدى دۇرىستاپ، ءتارتىپتى قاتايتۋدىڭ باياندى مەحانيزمىن اقاۋسىزداندىرىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.

شي جينپيڭ بىلاي دەپ اتاپ كورسەتتى: بيڭتۋان − پارتيا ورتالىق كوميتەتىنىڭ شينجياڭ قىزمەتى جونىندەگى باس نىساناسىن جۇزەگە اسىرۋداعى ماڭىزدى ستراتەگيالىق كۇش. بيڭتۋان رەفورماسىن تەرەڭدەتىپ، بيڭتۋاننىڭ ءىس جۇزىندىك جاعدايىنا ۇيلەسەتىن، بيڭتۋاننىڭ ەرەكشەلىگىن ايگىلەيتىن جوعارى ساپالى دامۋ جولىن قاراستىرۋ كەرەك.

شينجياڭ ۇيعۇر اۆتونوميالى رايوندىق پارتكومنىڭ شۋجيى چىن شياۋجياڭ اۆتونوميالى رايوندىق پارتكوم مەن ۇكىمەتتىڭ قىزمەتىنەن مالىمەت بەردى. اۆتونوميالى رايوندىق حالىق ۇكىمەتىنىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، شينجياڭ ءوندىرىس - قۇرىلىس بيڭتۋانىنىڭ جىڭۋيى حى جۇڭيۋ مالىمەت بەرۋ ماجىلىسىنە قاتىناستى.

ۋاڭ حۋنيڭ، ساي چي، لي گانجيە، حى ليفىڭ، ۋاڭ شياۋحۇڭ، شوكىرات زاكىر، چىن ي - چين، ۋاڭ دۇڭفىڭ جانە ليۋ جىنلي، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ورتالىق ۋاكىلدەر ۇيىرمەسىنىڭ بارلىق مۇشەسى، شينجياڭ ۇيعۇر اۆتونوميالى رايونىنىڭ پارتيا، ۇكىمەت، ارميا ورىندارىنداعى جاۋاپتى جولداستار قاتارلىلار مالىمەت بەرۋ ماجىلىسىنە قاتىناستى.