«شي جينپيڭنىڭ حالىق ىستەرى قىزمەتى جونىندەگى بايىمداۋلارىنان ۇزىندىلەر» باسپادان شىعىپ تاراتىلدى

شينحۋا اگەنتتىگى، 9 - ايدىڭ 21 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان «شي جينپيڭنىڭ حالىق ىستەرى قىزمەتى جونىندەگى بايىمداۋلارىنان ۇزىندىلەر» اتتى كىتاپ تاياۋدا ورتالىق قۇجات باسپاسىنان باسىلىپ شىعىپ، بۇكىل ەل كولەمىندە تاراتىلدى.

حالىق ىستەرى قىزمەتى حالىق تۇرمىسىنا سايادى، حالىق تىلەگىمەن بايلانىسىپ جاتادى. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيانىڭ حالىق ىستەرى قىزمەتىنە باسشىلىعىن ستراتەگيالىق جانە جالپى جاعداي تۇرعىسىنان كۇشەيتىپ، حالىقتى وزەك ەتۋگە تاباندى بولىپ، جالپىعا ءتيىمدى، نەگىزدىك، ەڭ تومەنگى شەكتەن تۇسىرمەۋ سيپاتىنداعى حالىق تۇرمىسى قۇرىلىسىن كۇشەيتىپ، حالىق ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن ويداعىداي شەشىپ، حالىق ىستەرى ىستەرىنىڭ باياندى، اقاۋسىز دامۋىن ىلگەرىلەتتى. شي جينپيڭ جولداستىڭ حالىق ىستەرى قىزمەتى توڭىرەگىندە جاريالاعان ءبىرقىدىرۋ ماڭىزدى بايىمداۋلارىنىڭ ماقساتى اسقاق، مازمۇنى باي، يدەياسى تەرەڭ، حالىق ىستەرى قىزمەتىنىڭ بەتالىستىق، ءتۇبىرلى، جالپى جاعدايلىق، ستراتەگيالىق ماسەلەلەرىن تەرەڭ بايىمداپ، جاڭا ءداۋىردىڭ جاڭا جورىعىندا حالىق ىستەرى ىستەرىنىڭ جوعارى ساپالى دامۋىن ىلگەرىلەتۋگە ءتۇبىرلى تياناق ازىرلەپ، قۇدىرەتتى قوزعاۋشى كۇش ۇستەدى، بۇل حالىق ىستەرى قىزمەتىندە رەفورما جاساپ، جاڭالىق اشۋدى تەرەڭدەتۋدە، حالىق سانىنىڭ قارتتانۋىنا بەلسەنە توتەپ بەرۋ مەملەكەتتىك ستراتەگياسىن اتقارۋدى كۇش سالا ىلگەرىلەتىپ، قوعامدىق قۇتقارۋ، قوعامدىق يگىلىك، قوعامدىق ىستەر، قوعامدىق جونگە سالۋ قىزمەتىنىڭ دەڭگەيىن كۇش سالا جوعارىلاتىپ، حالىق بۇقاراسى ءۇشىن بەلسەندى، ىرىقتى تۇردە جاقسى ءىس ىستەپ، ناقتى ءىس ىستەپ، قيىن ىستەردى شەشىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە ءتيىستى ۇلەس قوسۋدا توتەنشە ماڭىزدى مانگە يە.

«بايىمداۋلاردان ۇزىندىلەر» 6 ارناۋلى تاقىرىپقا بولىنگەن، جالپى 224 بايىمداۋ بار، شي جينپيڭ جولداستىڭ 2012 - جىلى 11 - ايدان 2025 - جىلى 7 - ايعا دەيىنگى مەزگىلدەگى بايانداماسى، ءسوزى، نۇسقاۋى، بەكىتۋى سياقتى 160 نەشە ماڭىزدى قۇجاتتان الىنعان. مۇنىڭ ىشىندە ءبىر ءبولىم بايىمداۋ تۇڭعىش رەت اشىق جاريالانىپ وتىر.