الدىڭعى جارىم جىلدا مەملەكەت شەكاراسىن باسقارۋعا زيان جەتكىزەتىن قىلمىستىق دەلولاردان 6914 دەلو بارلانىپ انىقتالدى

ءتىلشىنىڭ 7 – ايدىڭ 16 – كۇنى مەملەكەتتىك كوشى – قوندى باسقارۋ مەڭگەرمەسى اشقان اقپار جاريالاۋ ماجىلىسىنەن ۇعىسۋىنشا، الدىڭعى جارىم جىلدا، ەلىمىز بويىنشا كوشى – قوندى باسقارۋ قۇرىلىمدارى مەملەكەتتىڭ ساياسي حاۋىپسىزدىگىن قورعاۋدى باستان – اياق باستى ورىنعا قويىپ، قاتاڭ، جۇيەلى، ءادىل، وركەنيەتتى زاڭ اتقارۋدا تاباندى بولىپ، مەملەكەت شەكاراسىن باسقارۋعا زيان جەتكىزەتىن قىلمىستارعا قاتاڭ سوققى بەرۋدى ءبىر تۇتاس ىلگەرىلەتىپ، شەكارادان زاڭسىز كىرگەن، زاڭسىز قونىستانعان، زاڭسىز جۇمىستانعان شەتەلدىكتەردى جونگە سالۋدى ۇزدىكسىز ىشكەرىلەي ورىستەتىپ، مەملەكەت شەكاراسىنىڭ حاۋىپسىزدىگى مەن ورنىقتىلىعىنىڭ قالتقىسىن باتىل بەكەمدەپ، مەملەكەتتىڭ يەلىك ۇقىعىن، حاۋىپسىزدىگى مەن دامۋ جاعىنداعى ۇقىق – مۇددەسىن باتىل قورعاعان.

مەملەكەت شەكاراسىن باسقارۋعا زيان جەتكىزەتىن قىلمىستىق دەلولاردان جيىنى 6914 قىلمىستىق دەلونى بارلاپ انىقتاپ، قىلمىس كۇماندىلارىنان 18 مىڭنان استام ادامدى تۇتقىنداپ، قىلمىستىق توپتاردان 223 توپتى الاستاعان. مۇندا، ءىرى، ەرەكشە ءىرى دەلولاردان 113 دەلونى بىتىرۋگە بەلگى قويىپ قۋزاۋ سالعان. شەكاراداعى وڭىرلەردە مىلتىق پەن جارىلعىش زاتتارعا ساياتىن دەلولار، ەسىرتكى ساۋدالاۋ جانە اتكەزشىلىك ىستەۋ قاتارلى زاڭعا قايشى قىلمىستارعا قاتاڭ سوققى بەرىپ، ەسىرتكىگە ساياتىن 205 دەلونى انىقتاپ، قىلمىس كۇماندىلارىنان 262 ادامدى تۇتقىنداپ، ءتۇرلى ەسىرتكىلەردەن 2.42 تونناسىن قولعا تۇسىرگەن، مۇندا ون مىڭ گرامنان جوعارى ەسىرتكىگە ساياتىن دەلونىڭ سانى 38 دەلو بولعان؛ ءتۇرلى مىلتىقتاردان 607 مىلتىقتى، 26 مىڭنان استام وقتى انىقتاپ قولعا تۇسىرگەن. (باس ستانسيا ورتالىق تەلەۆيزيا ءتىلشسى ۋ بيڭ)

كەلۋ قاينارى: حالىق تورابى