جۇڭگو مەن مالايزيانىڭ ءوزارا ۆيزاسىز ءوتۋ كەلىسىمى 7 – ايدىڭ 17 – كۇنىنەن باستاپ كۇشىنە يە بولادى

«جۇڭحۋا حالىق رەسپۋبليكاسى ۇكىمەتى مەن مالايزيا ۇكىمەتىنىڭ ۇكىمەت ىستەرى جاي پاسپورتى مەن جاي پاسپورتى بار ازاماتتارىنىڭ ءوزارا ۆيزاسىز ءوتۋ جونىندەگى كەلىسىمى» 2025 – جىلى 7 – ايدىڭ 17 – كۇنى كۇشىنە يە بولادى.

كەلىسىمگە ساي، جۇڭگونىڭ ۇكىمەت ىستەرى جاي پاسپورتى مەن جاي پاسپورتى بار ازاماتتارىنىڭ، مالايزيانىڭ جاي پاسپورتى بار ازاماتتارىنىڭ سەيىل ـ سەرۋەن، ساياحات، تۋىسشىلاۋ، دوس ـ جاراندارىنا امانداسۋ، ساۋدا قيمىلى، اۋىس - ءتۇيىس ساپارى، جەكەلىك ىستەر، ەمدەۋ، حالىقارالىق تاسىمال (ۇشاق قىزمەتكەرلەرى) قاتارلى جۇمىستارمەن شارتقا ۇيلەسەتىن ەندى ءبىر جاقتىڭ شەكاراسىنان كىرىپ – شىققاندا نەمەسە وتكەندە ايالدايتىن ۋاقىتى 30 كۇنىنەن اسىپ كەتپەسە، ءار 180 كۇن ىشىندەگى جالپى ايالداعان ۋاقىتى 90 كۇننەن اسىپ كەتپەسە ۆيزا اشتىرماۋىنا بولادى.

ەگەر شارتتاسۋشى ەكىنشى جاقتىڭ شەكاراسى ىشىندە ءبىر رەتتە 30 كۇننەن ارتىق ايالداۋعا نەمەسە شارتتاسۋشى ەكىنشى جاقتىڭ شەكاراسى ىشىندە قونىستانۋعا نەمەسە قىزمەت، ۇيرەنۋ، اقپاراتتىق حابارلاۋ قاتارلى شارتتاسۋشى ەندى ءبىر جاقتىڭ باسقارۋشى تاراۋىنىڭ الدىن الا بەكىتۋىنەن وتكىزۋگە ءتيىستى قيمىلدارمەن شۇعىلدانۋعا تۋرا كەلسە، شەكارادان كىرىپ - شىعاتىن ەكىنشى جاقتان سايكەستى ۆيزا ءوتىنىش ەتەدى.

كەلۋ قاينارى: حالىق تورابى