2025 ـ جىلى 1 - ايدا شينجياڭدا 4 رەت تەمپەراتۋرا تومەندەپ، قار جاۋادى

شينجياڭ اۋا رايى مەكەمەسى ۋيچات الەۋمەتتىك تەكشەسىنىڭ حابارىنا قاراعاندا، 12 ـ ايدىڭ 28 ـ كۇنى، شينجياڭ كليمات ورتالىعى 2025 ـ جىلى 1 ـ ايداعى شينجياڭنىڭ قىسقا مەرزىمدىك كليمات مەجەسىن جاريالاعان. مەجەمەن 2025 ـ جىلى 1 ـ ايدا، 4 رەتكى ورتاشا، ءالسىز، جوعارى كۇشەمەلىكتەگى تەمپەراتۋرانىڭ تومەندەۋى، جاۋىن – شاشىن بارىسى شينجياڭعا ىقپال جاسايدى. مەجەگە قاراعاندا، وسى 4 رەتكى تەمپەراتۋرانىڭ تومەندەۋ، جاۋىن - شاشىن ۋاقىتىنىڭ ناقتى ۋاقىتى مەن كۇشەمەلىگى جەكە - جەكە مىناداي بولادى: 1 - ايدىڭ 3 - كۇنىنەن 5 - كۇنىنە دەيىن جاۋىن - شاشىن، تەمپەراتۋرا تومەندەۋ بارىسى نەگىزىنەن وڭتۇستىك شينجياڭنىڭ باتىس بولەگىنە ىقپال جاسايدى، اۋا تەمپەراتۋراسى 4 تە 6 سەلتسي گرادۋس تومەندەيدى؛ 13 -، 16 - كۇندەرى تەمپەراتۋرا ورتاشا تومەندەپ، جاۋىن - شاشىن بولادى، نەگىزىنەن سولتۇستىك شينجياڭنىڭ باسىم كوپ بولەگىنە، شىعىس شينجياڭنىڭ سولتۇستىك بولەگىنە جانە وڭتۇستىك شينجياڭنىڭ باتىس بولەگىنە ىقپال جاسايدى، اۋا تەمپەراتۋراسى 6 دا 8 سەلتسي گرادۋس تومەندەيدى؛ 22 -، 24 – كۇندەرى ءالسىز جاۋىن - شاشىن بولىپ، تەمپەراتۋرا تومەندەۋ بارىسى نەگىزىنەن وڭتۇستىك شينجياڭنىڭ قيىس باتىس رايونىنا ىقپال جاساپ، اۋا تەمپەراتۋراسى 4 تە 6 سەلتسي گرادۋس تومەندەيدى؛ 29 -، 31 - كۇندەرى تەمپەراتۋرا ٴسال تومەندەپ، جاۋىن - شاشىن نەگىزىنەن سولتۇستىك شينجياڭ رايونىنا ىقپال جاساپ، اۋا تەمپەراتۋراسى 4 تە 6 سەلتسي گرادۋس تومەندەيدى.

مەجەمەن 2025 - جىلى 1 – ايدا، تارباعاتاي ايماعىنىڭ، التاي ايماعىنىڭ، ىلە وبلىسىنىڭ، بۇراتالا وبلىسىنىڭ، قارامايلى قالاسىنىڭ، شىحىزى قالاسىنىڭ، سانجى وبلىسىنىڭ، ءۇرىمجى قالاسىنىڭ، تۇرپان قالاسىنىڭ، قۇمىل قالاسىنىڭ ورتاشا اۋا تەمپەراتۋراسى جىلداعىدان 0.5 تە 0.7 سەلتسي گرادۋس جوعارى بولادى؛ قاشقار ايماعى، قىزىلسۋ قىرعىز اۆتونوميالى وبلىسى، بايىنعولىن موڭعۇل اۆتونوميالى وبلىسى، حوتان ايماعى مەن اقسۋ ايماعىنىڭ ورتاشا اۋا تەمپەراتۋراسى جىلداعىدان 0.4 تە 0.6 سەلتسي گرادۋس تومەن بولادى.

جاۋىن - شاشىن جاعىندا، مەجەمەن 2025 - جىلى 1 – ايدا، تارباعاتاي ايماعىنىڭ، التاي ايماعىنىڭ، ىلە وبلىسىنىڭ، بۇراتالا وبلىسىنىڭ، سانجى وبلىسىنىڭ، قارامايلى قالاسىنىڭ، شىحىزى قالاسىنىڭ، ءۇرىمجى قالاسىنىڭ، قۇمىل قالاسىنىڭ جانە تۇرپان قالاسىنىڭ جالپى جاۋىن - شاشىن مولشەرى جىلداعىدان %20 دا %30 از بولادى، قاشقار ايماعىنىڭ، قىزىلسۋ وبلىسىنىڭ، اقسۋ ايماعىنىڭ، حوتان ايماعى مەن بايىنعولىن موڭعۇل اۆتونوميالى وبلىسىندا %20 دا %40 كوپ بولادى.

كەلۋ قاينارى: حالىق تورابى