شي – ان ساقشى جاعى "قاباعان ءيتتىڭ بالانى قاۋىپ الۋى" جونىندە جالپىعا حابارلاندىرۋ شىعاردى

2024 – جىلى 12 – ايدىڭ 21 – كۇنى ساعات 15 اينالاسىندا، شي – ان قالالىق قوعام حاۋىپسىزدىگى مەكەمەسى باچياۋ بولىمشە مەكەمەسىنىڭ قاراماعىنداعى ءمالىم قىستاقتا ءيتتىڭ ادامدى قابۋى دەلوسى تۋىلعان، جارالانعان ۇل بالا جاڭ X1 (4 جاستا) قازىر ەمحانادا ەمدەلۋدە.

جۇرتشىلىقتىڭ مالىمدەۋىن تاپسىرىپ العان سوڭ، حالىق ساقشىلارى دەرەۋ ءىس تۋىلعان جەرگە بارعان ءارى سول ماڭداعى الەۋمەتتىك كامەرالاردان كەسكىن الۋ، وتباسىلارعا بارىپ ءبىر – بىردەن سۇراستىرۋ، اشىق دەرەك جيناۋ قاتارلى تاسىلدەر ارقىلى ءبىر – بىرلەپ تەكسەرۋ قىزمەتىن ورىستەتكەن.

تەكسەرۋ ارقىلى جاعداي انىقتالعان، ادامدى جارالاعان ءيتتى باققان ادام گو X (ەر، 34 جاستا) ، جاقسى قاراماعاندىقتان قىستاقتاعى جولعا سىتىلىپ شىعىپ كەتىپ، ءبىر ۇل بالانى قاپقان. دەلو تۋىلعان سوڭ، گو X جاۋاپكەرشىلىكتەن قاشقالاقتاپ، ادام جارالاعان ءيتتى دەرەۋ باسقا جەرگە اپارىپ ءولتىرىپ، ولىگىن كومىپ تاستاعان. جاڭ X2 (ەر، 42 جاستا) گو X تىڭ فاكتتى جاسىرۋىنا كومەكتەسۋ ءۇشىن، قوعام حاۋىپسىزدىگى ورگانىنا جالعان ىسپات بەرگەن. قازىر قىلمىس كۇمانىنا شاتىلعان ەكەۋى قىلمىستىق ىستەر بويىنشا قاماي الىنعان، ءيتتىڭ ولىگى دە انىقتالىپ قولعا تۇسىرىلگەن، دەلو قازىر ىشكەرىلەي تەكسەرىلۋدە.

كەلۋ قاينارى: حالىق تورابى