ശ്രീജിത്ത് വിജയൻ

മലയാള ചലച്ചിത്രരംഗത്ത് സംവിധായകൻ, തിരക്കഥാകൃത്ത്, ഛായാഗ്രാഹകൻ എന്നീ നിലകളിൽ പ്രവർത്തിക്കുന്ന വ്യക്തിയാണ് ശ്രീജിത്ത് വിജയൻ. 2015 -ൽ ജസ്റ്റ് മാരീഡ്, ക്രാന്തി എന്ന സിനിമയ്ക്ക് ഛായാഗ്രഹണം നിർവ്വഹിച്ചുകൊണ്ടാണ് അദ്ദേഹം സിനിമാരംഗത്ത് തുടക്കം കുറിയ്ക്കുന്നത്.

2017 -ൽ സലിംകുമാർ സംവിധാനം ചെയ്ത കറുത്ത ജൂതൻ എന്ന സിനിമയുടെ സംഭാഷണം എഴുതിക്കൊണ്ട് രചനാരംഗത്തും തുടക്കം കുറിച്ചു. 2018 -ൽ കുട്ടനാടൻ മാർപ്പാപ്പ എന്ന സിനിമയുടെ കഥ, തിരക്കഥ, സംഭാഷണം, സംവിധാനം എന്നിവ നിർവ്വഹിച്ചുകൊണ്ട് ശ്രീജിത്ത് വിജയൻ സ്വതന്ത്ര സംവിധായകനായി. 2021 -ൽ ഷീറോ എന്ന സിനിമയ്ക്ക് അദ്ദേഹം തിരക്കഥ രചിച്ചു. 2023 -ൽ തിരക്കഥ, സംഭാഷണം എഴുതി ഇടിയൻ ചന്തു എന്ന ചിത്രം സംവിധാനം ചെയ്തു.

സീരിയൽ താരം റബേക്ക സന്തോഷാണ് ശ്രീജിത്ത് വിജയന്റെ ഭാര്യ.