താങ്കളുടെ നിർദ്ദേശങ്ങൾ അറിയിക്കൂ

ആ....
അമ്പാടി ഒന്നുണ്ടെൻ മനസ്സിൽ
അവിടെന്നും പൂക്കുന്ന നീലക്കടമ്പിന്റെ
അരികിലിന്നദ്ദേഹം വന്നു വന്നൂ വന്നൂ
(അമ്പാടി...)

അഷ്ടപദി പാടാതെ അർഘ്യപാദ്യമൊരുക്കാതെ
അവിടുത്തെ തിരുമുൻപിൽ നിന്നൂ ഞാൻ
അണപൊട്ടിയൊഴുകുമെൻ ആനന്ദക്കണ്ണീരാൽ
ആ മലരടികൾ കഴുകീ ഞാൻ
ആ....
(അമ്പാടി...)

ദ്വാപരയുഗത്തിൽ ഒഴുകിപ്പോയറിയാതെ
ദ്വാപരയുഗത്തിലേക്കൊഴുകിപ്പോയറിയാതെ
ദ്വാരകാപുരിയും കണ്ടൂ ഞാൻ
അവിടുന്നു കണ്ടില്ല എന്നിട്ടുമിവളിലെ
അണയാത്ത ദുഃഖത്തിൻ തീമലകൾ
ആ....
(അമ്പാടി...)