താങ്കളുടെ നിർദ്ദേശങ്ങൾ അറിയിക്കൂ

ബാലചന്ദ്രന്റെയും രാജലക്ഷ്മിയുടെയും മകനായി കോഴിക്കോട് ജനിച്ചു. 2003 -ൽ ഗ്രാഫിക്കൽ ഡിസൈനറായാണ് ബിജിത് ബാല തന്റെ സിനിമാ കരിയറിന് തുടക്കം കുറിക്കുന്നത്. അതേവർഷം പുറത്തിറങ്ങിയ എന്റെ വീട് അപ്പൂന്റേം എന്ന ചിത്രത്തിലൂടെ വിഷ്വൽ ഇഫക്റ്റ് ആർട്ടിസ്റ്റായി. അതിനുശേഷം മായാ ബസാർ, അപൂർവരാഗം, ഷട്ടർ, കളിയച്ഛൻ, അം അഃ... തുടങ്ങി ഇരുപത്തിയഞ്ചോളം സിനിമകളിൽ എഡിറ്ററായി പ്രവർത്തിച്ചു. അം അഃ എന്ന ചിത്രത്തിൽ വി എഫ് എക്സ് പ്രൊഡക്ഷൻ ഹെഡ് ആയും പ്രവർത്തിച്ചിരുന്നു.

2015 -ൽ നെല്ലിക്ക എന്ന സിനിമ സംവിധാനം ചെയ്തുകൊണ്ട് ബിജിത് ബാല സിനിമാ സംവിധാന രംഗത്ത് അരങ്ങേറി. തുടർന്ന് രണ്ട് ചിത്രങ്ങൾ കൂടി അദ്ദേഹം സംവിധാനം ചെയ്തു. മലയാളത്തിന് പുറമെ ബോളിവുഡ് ചലച്ചിത്ര മേഖലയിലേക്കും അദ്ദേഹം തന്റെ കരിയർ വ്യാപിപ്പിച്ചു. 2018 ൽ മാധവൻ സംവിധാനം ചെയ്ത പ്രശസ്ത ചിത്രം റോക്കട്രി ദി നമ്പി എഫക്റ്റ് - ഡബ്ബിങ് എഡിറ്റിംഗ് ജോലികൾ നിർവ്വഹിച്ചത് ബിജിത്തായിരുന്നു. തുടർന്ന് റിത്വിക് പരീക്ക് സംവിധാനം ചെയ്ത DUG DUG എന്ന ചിത്രത്തിലും എഡിറ്ററായി പ്രവർത്തിച്ചു. ഈ ചിത്രം 2021 -ലെ ടൊറന്റോ ഇന്റർനാഷണൽ ഫിലിം ഫെസ്റ്റിവലിലേക്ക് ഔദ്യോഗികമായി തിരഞ്ഞെടുക്കപ്പെട്ടിരുന്നു.

ബിജിത് ബാലയുടെ ഭാര്യ സിമി എസ്. നായർ. ഇവർക്ക് ആൻമയ ബിജിത്ത് എന്നൊരു മകളുണ്ട്.

ഗ്രാഫിക്സ്

പബ്ലിസിറ്റി

അസ്സോസിയേറ്റ് എഡിറ്റർ

VFX Team