nanpa ijo: SCP-913
kulupu ijo: kulupu Juki
nasin poki: o poki e ijo SCP-913 lon insa tomo poki ona. sinpin tomo ni li suli li wawa li kiwen. lupa kin li wawa li kiwen. o pana e ijo pi tomo jan tawa ijo SCP-913. ona li wile la, o pana e lipu musi e sitelen tawa musi tawa ona.
tenpo pini la, mi mute li pana e linja lupa tawa selo tawa insa pi sijelo pi ijo SCP-913. mi mute li ken pana e moku telo tawa telo loje ona kepeken linja lupa ni. tenpo suno kipisi tu (2) ale la, o pana e moku telo wan (1) tawa ijo SCP-913. ijo SCP-913 li lape la o pana e moku telo tawa ona. tenpo mun tu wan ale la o weka e linja lupa o pana e linja lupa sin tawa sijelo.
nasin lawa ni li lon. nasin lawa li lon kulupu Jan Lili. nasin lawa li toki e ni: o poki e ijo SCP-913 lon nasin tomo nanpa ██ lon ma poki nanpa ██.
sona: ijo SCP-913 li sama lukin jan ni: jan li tenpo sike 50 li pimeja selo. sijelo ona li seli e moku mute mute kepeken tenpo lili. jan ante li wile e mute moku lon tenpo suno wan. ijo SCP-913 li wile e mute sama lon tenpo suno kipisi tu. insa pi sijelo ona li seli mute [WEKA].
ijo SCP-913 li moku mute ala lon tenpo suno kipisi tu la, ona li kama lape nasa. lape nasa ni la ijo SCP-913 li moku e ijo ale lon poka ona. ona li ken moku e ijo kiwen e ijo pi kasi suli e jan e soweli e kasi e ijo ale. ijo SCP-913 li sona e pali ona lon lape nasa. ona li moku e ijo kiwen suli la, ona li kama pilin ike mute.
lape nasa la ijo SCP-913 li ken kipisi luka e ijo kepeken wawa mute li ken kipisi uta e ijo kepeken wawa mute mute. ijo SCP-913 li lape nasa ala la, ona li wawa ala.
mi mute li lukin e kipisi pi insa pi sijelo pi ijo SCP-913. ijo sin li lon poka kipisi la, kipisi li mama li pana e ilo lili sin. ilo lili li ken seli li ken moku e ijo sin. ilo lili li weka e misikeke ale e ijo ike ale tan sijelo. ike la ilo lili li weka e misikeke pi weka sona e misikeke pi weka pi pilin pakala.
mi mute li kama sona e lon pi ijo SCP-913 tan ni: ona li lon lupa kama [WEKA] pi ma poki nanpa ██.
sona sin nanpa 913-1: sitelen awen ni li lon selo noka pi ijo SCP-913: "jan Wile Moku tan kulupu Jan Lili ® tan jan sona Musi". mi mute li kama jo e ijo SCP-909 la, ona li jo e len sijelo. nimi esun ni li lon lipu len lili pi len sijelo: esun "toki ken pi jan sona". ijo SCP-913 li ijo nanpa 7 lon kulupu pi lipu nanpa SCP-909-a.